Nigrani Today

मेची महाकाली बुहारी आवाजले गराए सासु बुहारीबिच मिलापत्र

0 96


राधेश्याम कुशवाहा, ०४ माघ सर्लाही । महिला हिंसा तथा बालबालिकाको क्षेत्रमा क्रियाशिल रहेको गैरसरकारी संस्था मेची महाकाली बुहारी संयूक्त आवाज शाखा सर्लाहीले जिल्लामा गठन भएको केही समयमै उल्लेखनिय कामहरु गर्न सफल भएको छ ।

सर्लाहीको बागमती नगरपालिकामा ससुराली भएकी उदयपुर जिल्लाको कटारी नगरपालिका वार्ड न. २ मा माईती घर भएकी महिलालाई मेची महाकाली बुहारी संयूक्त आवाजको पहलमा सासु र बुहारी बिच मिलापत्र गराई घरमा बस्ने वातावरण निमार्ण गरिएको छ ।

बागमती नगरपालिका वार्ड न. ६ साविक राजघाट ५ निवासी सासु बिणा परियारले बुहारी देवकी परिवारलाई दसैंमा टिका लगाउन माईतीबाट फर्किएको दिनदेखि घरमा बस्न, खान र लाउन नदिएको पिडित महिला सिता परियारले बताईन । ससुरालीमा सासु ससुराले बस्न नदिएपछि आफू न्यायको लागि धेरै ठाउँमा पुगेपनि कहि कतैबाट कुनै सहयोग नपाएपछि आफनो बाँच्ने चाहना समेत मरिसेको पिडितले रुदै भनिन ।


New manakamana

निगरानी टुडे संग फोनमा कुराकानी गर्दै आफू असहाय भएकी र श्रीमानले पनि साथ छोडेपछि आफू एक्लो भएकी बताईन । सासु ससुराबाट दिनहुँ नानथरीका गाली बेईज्ज्ती सहन गर्दै आएकी आफू पतिले पनि साथ छोडेर अन्यत्र भागेछि आफूलाई बिजोग भएको गुनासो गरिन । मेची महाकाली संयूक्त आवाजको पहलमा मलाई तत्काल घरमा बस्ने वातावरण मिलाईदिएको पिडित ले बताईन ।

ससुरा पृथ्वीबहादुर धमाईको छोरा मेरो श्रीमान संतोष ढटाल र म दसैंको टिका लगाउन भनी मेरो माईती घर जिल्ला उदयपुर कटारी नपा २ गरासमा गयौं। एकरात बसी भोलिपल्ट बिहान ९ बजेको समयमा मेरो श्रीमान चौकतिर जान्छ । चिया खाएर आउछु भनी निस्किनु भएको तर घर नर्फेपछि म मेरो सर्लाही आएर बुझदा श्रीमान यहाँको घरमा पनि नदेख्दा सास सासु संग सोधपुछ गर्दा थाहा छैन, तँ आफैं जान्न भन्नुहुन्छ ।

तर मेरो सासु र ससुरासंग मेरो श्रीमान सम्पर्कमै रहेको आफन्तबाट थाहा हुन आएको छ । यसबाट म साह्रै पिडित छु मलाई घरपक्षकाले हाल खान्न बस्न समेत दिएका छैन। आफू विरामी भएकाले खान र लाउनमा पनि समस्या भएको छ ।

मेरो श्रीमानको खोजतलास गरी घर खाने बस्ने वातावरण मिलाई दिन हुन सिता परियार ले दिएको निवेदनमा उल्लेख गरिएको मेची महाकाली बुहारी संयूक्त आवाजको सह संयोजक अन्जना कडरिया ले बताईन । वडाअध्यक्ष खडग राई, वडासदस्य रमेश लामा, आवाजको सदस्य अंजना नेपाल लगायत स्थानियवासीहरुको रोहरवारमा मिलापत्र गराईएको छ । सासु बुहारी केही महिना मिलेर बस्ने र श्रीमान आएपछि कानुनअनुसार विवाह दर्ता गर्ने विषयमा मिलापत्र भएको बताईन ।

gift corner
टिप्पणीहरु
Loading...