सर्लाही ।सर्लाहीको हरिपुर नगरपालिका–७, पचगछियामा सोमबारबाट सुरु भएको पाँचौं तिला संक्रान्त तथा माघी महोत्सव बुधबार सकिएको छ ।
थारु कला संस्कृति आयोजना समिति हरिपुर-७ पचगछीयाको आयोजना, घरेलु तथा साना उधोग कार्यलय मलंगवा सर्लाहीको सह-आयोजनाम तथा सन सनराईज युवा क्लब, थारु कल्याणकारी समिति गाउँ एकाई कमिटीको सहयोग र हरिपुर नगरपालिकाको संरक्षकमा महोत्सव सम्पन्न भएको हो ।
महोत्सवमा स्थानीय थारु कलासंस्कृति झल्काउने स्टिल तथा थारु भेषभुषा सहित पहिचान झल्कने संस्कृति कार्यक्रमको आयोजना गरिएको थारु कलासंस्कृति समितिका अध्यक्ष अरविन्द्र चौधरीले जानकारी दिनुभयो ।
नृत्य प्रतियोगितामा सहभागी विजेतालाई क्रमश २० हजार ,१५ हजार ,१० हजार नगद पुरस्कार वितरण गरिएको छ। नृत्य प्रतियोगिताको पहिलो पुरस्कार लालबन्दी- ४ हरिभवनका रामकुमार चौधरी ग्रुपले हात परेका छन ।
त्यसैगरी दोस्रो पुरस्कार हरपुर ७ का सुदिप चौधरी ग्रुपले जितेको छ भने तेस्रो पुरस्कार इश्वरपुर नगरपालिका पोखरी टोलका सुशान्त चौधरी ग्रुपले हात परेको छ ।
प्रतियोगिताका विजेतालाई संविधानसभा सदस्य रामचन्द्र चौधरी , हरिपुर नगरपालिका नगर प्रमुख गोपाल पजियार र घरेलु तथा सानउद्योग कार्यालय मलंगवा प्रमुख जितेन्द्र किशोर गुप्ताले पुरस्कार वितरण गर्नुभएको आयोजक संस्थाका सदस्य अभिमन्नु चौधरीले जानकारी दिनुभयो ।
त्यस्तै कार्यक्रममा थारु संस्कृति झलकिने विभिन्न परिकारहरुको प्रदर्शनी र विभिन्न उधमीहरुले आफैले निर्माण तथा उत्पादन गरेको सामग्रीहरुको स्टल राखी प्रदर्शनी समेत गरिएको थियो ।
साथै उत्कृष्ट उधमी र व्यवसायीलाई सम्मान सहित पुरस्कृत पनि गरिएको घरेलु तथा साना उधोग कार्यलय मलंगवाले जनाएको छ ।
महोत्सवको समापन कार्यक्रममा संविधानसभा सदस्य रामचन्द्र चौधरी,हरिपुरका मेयर गोपाल पंजियार, समाजसेवी उदयनारायण चौधरी , रामप्रसाद चौधरी, अन्जना चौधरी लगायतकाको उपस्थिति रहेको थियोे ।
