सर्लाही,२० चैत्र । सर्लाहीको मलंगवा नगरपालिकामा रुखले किल्चिएर एक भारतीय महिलाको मृत्यु भएको छ ।
मृत्यु हुनेमा देश भारत बिहार राज्य स्थित सितामढी वडा नं. १८ बस्ने अन्दाजी ५० वर्षीया सुरन्ती देवी महतो रहेको छ ।
आज साढे ११ बजेतिर मलंगवा नगरपालिका वडा नं. ६ खुटौनामा बाटो छेउमा रहेको मसलाको रुख काट्दै गर्दा अचानक रुख ढलेर किच्दा पैदलयात्रु भारतीय महिलाको मृत्यु भएको जिल्ला प्रहरी कार्यालयका प्रहरी नायव उपरीक्षक कैलाश राईले जानकारी दिनुभयो ।
मृत्क महिला भोजको निम्तो दिन आफन्त काहाँ खुटौना आएको प्रहरी नायव उपरीक्षक राईले बताउनुभयो ।
रुख काटने तथा लडाउने व्यक्तिकोे खोजी कार्य भइरहेको प्रहरी नायव उपरीक्षक राईले बताउनुभयो ।
अहिले भने मृतक महिलाको शव पोष्टमार्टमका लागि प्रादेशिक अस्पताल मलङ्गवामा राखिएको छ ।
