ल्होछारमा चर्चित गायक गायिकाको प्रस्तुतिले दर्शकलाई नचाउने
भक्ती रिजाल
सर्लाही । आजबाट सर्लाहीको हरिवन नगरपालिका वडा नम्बर ५ घुर्कौलीमा हुने ल्होछार साँस्कृतिक महोत्सवमा नेपालका चर्चित गायक गायिकाहरुले दर्शकलाइ भरपुर मनोरञ्जन प्रदन गर्ने भएका छन् ।
कार्यक्रममा चर्चित गायक टीका बमजन, देब स्य्याङ्तान, प्रदिप बमजन, इन्दिरा गोले तथा जीवन बमजन लगायतका दर्जनौ चर्चित कलाकारले दर्शकलाई भर्पुर मनोरञ्जन प्रदान गर्ने कार्यक्रम संयोजक सिङ योन्जनले जस्नकारी दिए ।
तामाङ समुदायको संस्कृती र सभ्यतालाई संसारभरी चिनाउने तामाङ समुदायको २८६१ औ डुक / सापुख्रि ल्हो तथा बृहत ल्होछार सांस्कृतिक मेला, महोत्सवको पावन अवसर पारेर सुरु भएको ल्होछार सांस्कृतिक महोत्सवमा
मनोरञ्जनका सामग्रीहरु रोटे पिङ, घोडचडी, रेल, डुंगा र बच्चाहरुको लागि गाडीका खेलहरु लगायत तामाङ समुदायमा प्रचलित विभिन्न खानाका परिकारहरुको स्टल रहने बताइएको छ ।
हरिवन नगरपालिका वडा नम्बर ५ मा रहेको सिद्धार्थ टोल खेल मैदानमा महोत्सव आयोजना भएको छ । ल्होछारको अवसरमा तामाङ समुदायले आफ्नो संस्कृतिलाई जोगाइ राख्न र साँस्कृतिक जागरण सहित पुस्तान्तरणका लागि सर्लाहीको विभिन्न गाउँ बस्तीहरुमा भव्यताका साथ साँस्कृतिक कार्यक्रमहरुको आयोजना गर्दै हर्षोल्लासका साथ मनाउँदै आइरहेका छन् ।
