भक्ती रिजाल
सर्लाही । हरिवन नगरपालिका वडा नम्बर ८ मा रहेको सितोरियो कराते डोजोले आज कार्यक्षमता जाँच `अर्थात, जुनियर ग्रेडिङ कार्यक्रम सम्पन्न गरेको छ ।
“रास्ट्रका लागि खेलकुद- स्वास्थ्यका लागि खेलकुद, भन्ने नारालाई आत्मसाथ गर्दै हरेक तीन महिनामा सन्चालन हुने ग्रेडिङ अर्थात (परीक्षा) सम्पन्न भएको प्रशिक्षक कान्छामान बोम्जनले जानकारी दिनु भयो ।
प्रत्येक दिन बिहान एक घन्टा हुने प्रशिक्षणमा पचास जना प्रशिक्षार्थी सहभागी हुने गरेका बोम्जनले जानकारी दिनुभयो ।
हरिवन नगरपालिका वड नम्बर ८ को आर्थिक सहयोगमा संचालित ग्रेडिङ कार्यक्रमको प्रमुख अतिथि वड नम्बर ८ का अध्यक्ष प्रज्ज्वल ढुंगाना रहनुभएको थियो ।
जनजागृती माबि बेतालीको चौरमा भएको ग्रेडिङ कार्यक्रममा राष्ट्रिय खेलकुद परिषद सदस्य गीता थारु योन्जन लगायत खेलाडीहरुको सहभागिता रहेको थियो ।
