सर्लाहीको पर्सा गाउँपालिका वडा नं २ संग्रामपुर निवासी प्रबोध कुमार महतोको जेसिबि चोरी भएको छ ।
फुलो निर्माण सेवा संचालक समेत रहेका महतोले MAW अर्थ मुर्भस प्रा.लि. जनकपुर धनुषाबाट अस्थायी नं मधेश प्रदेश ०२ ००१ क ०९५३ ईन्जिन नम्बर H00461624 च्याचिस नं. HAR3DXSUT03019324 को डोजर पहेलो रङ्गको रु. चौवन लाखमा मिति फागुन २८ गतेका दिन खरिद गरी ल्याई घर देखि २०/२५ मिटरको दुरीमा सार्वजनिक खाली जग्गामा राखेको थियो ।
सोही ठाउँ बाट मिति चैत्र १ गते दिन जेसिबि चोरी भएको हो । प्रहरीमा जेसिबि खोजतलाशको लागि निवेदन दिए पनि हाल सम्म प्रहरीले फेला पार्न नसकेको फुलो निर्माण सेवा संचालक महतोले बताए । जेसिबि चोरी गरेर चोरहरु भारततर्फ भागेको आशंका गरिएको उमेश यादवले जनाएको छ ।
