अर्थ वाणिज्यताजा खबरप्रदेश २समाचारसमाजस्थानीय

साना किसान सहकारी संस्थालाई करोडौको कृषि यन्त्र हस्तान्तरण गरेपछि किसानहरु हर्षित

प्रेमनाथ पाैडेल

सर्लाही,११ श्रावन । साना किसान सहकारी संस्थालाई करोडौको कृषि यन्त्र हस्तान्तरण गरेपछि यतिबेला शंकरपुरका किसान हर्षित भएका छन । सर्लाहीको बागमती नगरपालिका वडा नं. १० शंकरपुरमा रहेको साना किसान सहकारी संस्था लि. लाई प्रदेश सरकार प्रदेश नं. २ कृषि विकास निर्देशनालय क्षेत्रिय कार्यालय नक्टाझिज धनुषाले करोडौको सामग्री हस्तान्तरण गरेपछि किसानहरु खुसी भएका छन ।

प्रदेश सरकार प्रदेश नं. २ कृषि विकास निर्देशनालय क्षेत्रिय कार्यालय नक्टाझिज धनुषाको समन्वयमा २ करोड ७० लाख २२ हजार ९ सय ८४ रुपैया ७४ पैसा बराबको कुल रकममा अनुदान रकम रु. १ करोड ४० लाख २३ हजार ३ सय २५ रुपैया ६९ पैसा प्राप्त भएको साना किसान सहकारी संस्था शंकरपुरले जनाएको छ । वाकि रकम रु १ करोड २९ लाख ९९ हजार ६ सय ५९ रुपैया ५ पैसा संस्थाको लागत रहेको साना किसान सहकारी संस्थाका अध्यक्ष कमल कुमारी पोखरेलले जानकारी दिए ।

कृषि सामग्रीहरुमा टयाक्टर ६ थान, पावर टिलर २ थान, माटो मिलाउने २ थान, मिनि टेलर २ थान, मकै रोप्ने मेसिन ५ थान, ट्रली ५ थान, बोरा सिलाउने मेसिन २ थान, रोटाभेटर ४ थान, एमबी प्लग १ थान, डिक्स ह्यारो ४ थान, कल्टीभेटर ६ थान, धानको बिउ रोप्ने १ थान, प्लाष्टिक ट्रय २ हजार थान, धानको बिउ राख्ने मेसिन १ थान, रिपर २ थान, स्टार रिपर १ थान,सम्पुर्ण सम्मान राख्ने ट्रष्ट घर लगायत १८ थान कृषि सामग्री हस्तान्तरण गरिएको साना किसान सहकारी संस्थाले जनाएको छ ।

साना किसान सहकारी संस्थाले बुझेका सम्पुर्ण कृषि सामग्री शंकरपुरका किसानहरुको विभिन्न कृषि कार्य सहुलियत दरमा गर्ने संस्थाले जनाएको छ । सोमवार भएको कार्यक्रममा प्रदेश नं. २ का भुमि व्यवस्था कृषि तथा सहकारी मन्त्री शैलेन्द्र प्रसाद साहले कष्टम ह्यारिगं सेन्टरको उद्घाटन गरी उक्त कृषि यन्त्र सहकारीलाई हस्तान्तरण गरेका थिए ।

कार्यक्रममा बोल्नु हुदैँ मन्त्री साहले कृषि क्षेत्रको विकासको लागि सदैव लागि रहने बताउनु भएको छ । त्यस्तै अन्य ठाउँमा किसानहरुलाई एकिकृत रुपमा समुहगत रुपमा खेति गर्न ईच्छुक रहने किसानलाई सहयोग गर्ने बताउनु भएको छ । कार्यक्रममा प्रदेश सभा सदस्य दिल्ली उप्रेती, बरहथवा नगरपालिका प्रमुख देवानन्द महतो, बागमती नगरपालिका उपप्रमुख लिला मोक्तान, कृषि विकास निर्देशनालय क्षेत्रिय कार्यालय नक्टाझिजका निर्देशक डा. रत्न कुमार झा, साना किसान विकास लघुबितका ईलाका प्रबन्धक युवराज गैरे, कृषि ज्ञान केन्द्रका प्रमुख कमलदेव कुशवाहा लगायत स्थानियहरुको समेत उपस्थिति रहेको थियो ।

Related Articles

Leave a Reply

Your email address will not be published. Required fields are marked *

Back to top button