ताजा खबरमधेश प्रदेशसमाचारसमाजस्थानीय
सर्लाही सहित देशैभरी बालबालिकालाई जुकाको औषधि र भिटामिन ‘ए’ खुवाइँदै
सर्लाही,२ कार्तिक । सर्लाही सहित देशैभरी सरकारले आज बुधबार र भोलि बिहीबार देशभरका बालबालिकालाई जुकाको औषधि र भिटामिन ‘ए’ खुवाउँदैछ ।
६ देखि ५९ महिनासम्मका सर्लाहीका २० वटै पालिकामा बालबालिकालाई भिटामिन ‘ए’ क्याप्सुल तथा १ देखि ५ वर्षसम्मका बालबालिकालाई जुकाको औषधि खुवाउने कार्यक्रम रहेको जिल्ला स्वास्थ्य कार्यालय सर्लाहीले जनाएको छ ।
बालबालिकालाई स्वास्थ्य स्वयंसेविकामार्फत भिटामिन ‘ए’ र जुकाको औषधि खुवाउने छ ।भिटामिन ‘ए’ क्याप्सुल सन् १९९३ देखि र जुकाको औषधि सन् २००१ देखि खुवाउन थालिएको हो ।
वर्षमा दुई पटक पहिलो चरणमा कात्तिक २ र ३ गते तथा दोस्रो चरणमा वैशाख ६ र ७ गते बालबालिकालाई भिटामिन ‘ए’ र जुकाको औषधि खुवाउने गरिन्छ ।
