किसनपुरमा प्रथम मेयर कप क्रिकेट प्रतियोगिता सुरु
सर्लाही । सर्लाहीको चन्द्रनगर गाउँपालिका वडा नं १ किसनपुरमा प्रथम मेयर कप पहिलो सिजन क्रिकेट प्रतियोगिता सुरु भएको छ।
चन्द्रनगर गाउँपालिका वडा नं १ किसनपुरको आयोजना तथा रंजित साहको सह आयोजनामा आज बाट सुरु भएको छ।
प्रथम मेयर कप पहिलो सिजन क्रिकेट प्रतियोगिको उद्घाटन कार्यक्रमका प्रमुख अतिथि चन्द्रनगर गाउँपालिका अध्यक्ष राजकुमार महतोले गर्नुभएको थियो ।
वडा नं १ का वडा अध्यक्ष रामेश्वर प्रसाद महतोले बल फ्याकदा गाउँपालिका अध्यक्ष महतोले बलिङ गरेर उद्घाटन गर्नुभएको थियो ।
उद्घाटन कार्यक्रममा राप्रपाका जिल्ला अध्यक्ष सत्यनारायण राय, नेपाली कांग्रेसका महाधिवेशन प्रतिनिधि सोनेलाल साह, वडा सचिव रमन लुइँटेल, स्थानिय तथा खेलाडीहरुको उपस्थिति रहेको थियो।
प्रथम मेयर कप पहिलो सिजन क्रिकेट प्रतियोगितामा सर्लाही भरिको गरि २२ टिमको सहभागीता रहेको छ।
जसमध्ये आज उद्घाटन खेल एकता युवा क्लब डुमरीया हरिपुर्वा र गंगापुर टिम बरहथवा बिच प्रतिस्पर्धा भैरहेको छ।
प्रतियोगितामा प्रथम पुरस्कार नगद रु ३० हजार, कप मेडेल तथा प्रमाणपत्र प्रदान गर्ने छ भने दोस्रो हुने टिमले नगद रु १५ हजार कप मेडेल तथा प्रमाणपत्र प्रदान गरिने आयोजकले जनाएको छ।
