लालीगुराँस एकेडेमीले मनायो ४० औं वार्षिकोत्सब तथा अभिभावक दिवस
सर्लाहीको ईश्वरपुर नगरपालिका स्थित बयलबास बजारमा रहेको लालीगुँरास एकेडमीले आफ्नो ४० औं वार्षिकोत्सब तथा अभिभावक दिवस मनाएको छ । आज लालीगुँरास एकेडमीले आफ्नो ४० औं वार्षिकोत्सब अवसरमा विभिन्न कार्यक्रम समेत गरेको छ ।
विद्यालयको संस्थापक अध्यक्ष उतम राज शर्माको अध्यक्षता तथा ईश्वरपुर नगर प्रमुख मनोज कुुमार आचार्यको प्रमुख आतिथ्यतामा कार्यक्रम सम्पन्न भएको हो ।
सर्लाही जिल्लाकै पहिलो निजि विद्यालय नर्सरी देखि कक्षा १२ सम्म अध्यापन गराउने लालीगुराँस एकेडेमीले वार्षिकोत्सबको अवसरमा शैक्षिक प्रदर्शनी, साँस्कृतिक कार्यक्रम समेत गरेको छ ।
यसैगरी वार्षिकोत्सबको अवसरमा विद्यालयले उत्कृट ५ जना अभिभावकलाई र ईश्वरपुर नगरपालिका वा नं. ८ मा रहेको आदर्श निम्न माध्यमिक विद्यालयका निवृत शिक्षक प्रेमकुमार थारुलाई सम्मान सम्मान समेत गरेको छ ।
त्यस्तै विद्यालयले नर्सरी देखि कक्षा १० सम्मका हरेक सेक्सनका १ जना गरी ३४ जना विद्यार्थीलाई उत्कृष्ट विद्यार्थी पुरस्कार र १४ जना विद्यार्थीलाई खेल प्रतिभा पुरस्कार प्रदान गरेको प्राधानाध्यापक उज्जवल शर्माले जानकारी दिनुुभयो ।
लालीगुराँस एकेडेमीले प्रत्येक वर्ष आफ्नो वार्षिकोत्सबको अवसरमा सिर्जनात्मक कार्य गर्ने गरेको विद्यालयले जनाएको छ ।
लालीगुराँस एकेडेमीमा ५९ जना शिक्षक तथा कर्मचारीहरु कार्यरत छन भने १६ सय ५० जना विद्यार्थीहरु अध्यनरत रहेका छन । त्यस्तै विद्यालयले विभिन्न शिर्षकमा प्रत्येक वर्र्र्ष गरिव तथा जेहेन्दार २ सय विद्यार्थीलाई मासिक शुल्कमा छात्रवृती प्रदान गर्ने गरेको विद्यालय प्रशासनले जनाएको छ ।
