सर्लाहीको हरिपुर नगरपालिकामा नि:शुल्क लोकसेवा तयारी कक्षा संचालन हुने भएको छ ।
नि:शुल्क लोकसेवा तयारी कक्षाको आज नगर प्रमुख गोपाल पजियारले उद्घाटन गर्नुभएको छ।
हरिपुर नगरपालिकाको आयोजना तथा वर्क प्लान नेपाल बरहथवाको सहजीकरणमा भोली शनिवार बाट नि:शुल्क लोकसेवा तयारी कक्षा संचालन हुने भएको छ ।
शनिवार हरिपुर स्थित महावीर जन्ता माविमा नि :शुल्क लोकसेवा तयारी कक्षा संचालन हुने हरिपुर नगरपालिकाका प्रमुख प्रशासकीय अधिकृत विनय पौडेलले जानकारी दिनुभयो ।
तालिम ६० दिन सम्म संचालन हुने छ । ६३ जनाले प्रवेश परीक्षा दिएकोमा ३५ जनाको छनौट गरिएको वर्क प्लान नेपालका कार्यकारी निर्देशक सुनिल यादवले जानकारी दिनुभयो । वर्क प्लान नेपालले यश अघि गोडैता नगरपालिका र विष्णु गाउँ पालिकामा पनि नि :शुल्क लोकसेवा तयारी कक्षा सुरु गरेको छ ।
हरिपुर नगर प्रमुख गोपाल पंजियारले सहभागी विधार्थीहरुलाई जब सम्म सफलता हात लाग्दैन तब सम्म निरन्तर मेहनत र प्रयास गर्न सल्लाह दिनुभयो ।
अभ्यास र पढने बानीको विकासले मात्र सफलता हात लाग्ने उहाले सहभागी विधार्थीलाई सुझाव दिनुभयो ।
लोकसेवा तयारी गर्न आचरणको पनि आवश्यकता पर्ने हुदा आचरण राम्रो पारेर अभ्यास र पढने बानीले सफलता हात लाग्ने नगर प्रमुख पंजियारले भन्नुभयो ।
