सोमबारबाट सुरु भएको जेनजी आन्दोलनकारीले राज्यका प्रमुख तीन वटै अङ्ग नियन्त्रणमा लिएका छन् । व्यवस्थापिका, कार्यपालिका र न्यायपालिका आन्दोलनकारीले नियन्त्रणमा लिएका हुन् ।
उनीहरुले तीन वटै निकायका मुख्य भवनहरूमा आगजनी र तोडफोड गरेका छन् । सुरक्षा निकाय, प्रशासनिक निकायका सबै प्रमुखहरूले स्थिति आफ्नो नियन्त्रणमा नरहेको भन्दै संयुक्त विज्ञप्ति जारी गर्दै स्थितिको समाधानका लागि मंगलबार अपिल गरिसकेका छन् ।
मुख्यसचिव एकनारायण अर्याल, प्रधान सेनापति अशोक राज सिग्देल, गृहसचिव गोकर्णमणी दुवाडी सशस्त्र प्रहरी बल, महानिरीक्षक नेपाल राजु अर्याल, नेपाल प्रहरीका महानिरीक्षक चन्द्रकुवेर खापुङ र राष्ट्रिय अनुसन्धान विभागका प्रमुख हुतराज थापाले विज्ञप्ति जारी गर्दै यस्तो आग्रह गरेका हुन् ।
प्रधानमन्त्री निवास बालुवाटारमा छिरे प्रदर्शनकारी
प्रधानमन्त्रीको सरकारी निवास बालुवाटारमा प्रदर्शनकारीहरु छिरेका छन् । राज्यका अंगहरुमा एकपछि अर्को नियन्त्रण कायम गरिरहेका प्रदर्शनकारी मंगलबार दिउँसो प्रधानमन्त्री निवास बालुवाटारमा प्रवेश गरेका हुन् । प्रधानमन्त्री केपी शर्मा ओलीले केहीअघिमात्रै पदबाट राजीनामा दिएका थिए ।
संसद् विघटन भएको अवस्थामा प्रधानमन्त्रीको नियुक्ति
संविधानको धारा ७६ (१)–(७) भित्र प्रधानमन्त्री नियुक्ति र संसद् विघटनसम्बन्धी प्रक्रिया स्पष्ट गरिएको छ।
धारा ७६ (७) अनुसार:
यदि प्रधानमन्त्री नियुक्त गर्ने संवैधानिक प्रक्रिया (बहुमतको आधारमा वा सांसदहरूको समर्थनमा) सफल भएन भने
राष्ट्रपति (Nepal’s President) ले प्रतिनिधि सभा विघटन गरी नयाँ निर्वाचनको मिति तोक्ने व्यवस्था छ।
2. विघटनपछि नयाँ प्रधानमन्त्री
संसद् विघटन भएपछि पुरानो संसद् समाप्त हुन्छ।
त्यसबेला नयाँ निर्वाचन सम्पन्न नभएसम्म प्रधानमन्त्री पदमा बसेको व्यक्ति (incumbent PM) लाई नै कार्यवाहक प्रधानमन्त्री (Caretaker PM) को रूपमा राखिन्छ।
नयाँ प्रतिनिधि सभा गठन भएपछि संविधानको धारा ७६ (१)–(२) अनुसार नयाँ प्रधानमन्त्री नियुक्त हुन्छन्।
