प्रदीप कुमार दास, रौतहट ।
श्रावण २९ गते , मंगलबार ।
राैतहटकाे मध्य भेगमा अवस्थित गरुडा नगरपालिकाका नगर प्रमुख कन्थमनी प्रसाद जैसवालले मालपाेत कार्यालय गरुडालाई सवारी साधन सहित माग गरे अनुसार सामान हस्तान्तरण गर्नु भएको हो ।
आज हस्तान्तरण कार्यक्रम गरी १५० सिसिकाे बजाज कम्पनिकाे एक थान माेटरसाइकलसहित कार्यालयलाई आवश्यक सोफासेट, कुर्सी, पंखा, फर्निचर लगाएयतका सामान सहयोग गरिएको गरुडा नगरपालिकाका जिन्सी शाखा प्रमुख मुकेश कुमार साहले जनाएका हुन् ।
मोटरसाइकलको अभावमा कर्मचारी समयमा कार्यालयमा आउन नसक्दा सेवा प्रवाहमा समस्या हुने भएकाे , सेवाग्राहीलाई बस्न कुर्सी र सोफा नहुदा बस्न समस्या भएको र फर्निचर , पंखाको अभावमा समेत सेवा प्रवाहमा बाधा उत्पन्न भएको गुनासो आएपछि आफुले साे सामग्रीहरु वितरण गरेकाे गरुडा नगर प्रमुख कन्थमणि प्रसाद जयसवालले बताउनु भयाे ।
नगर प्रमुख जयसवालले कार्यापालिकाकाे निर्णय बमाेजिम पालिकाको तर्फबाट मंगलबार एक कार्यक्रमका बीच मालपोत कार्यालय गरुडालाई सवारी साधन सहित माग गरे अनुसार सामान हस्तान्तरण गरिएको बताउनु भयाे ।
मालपोत कार्यलय गरुडाबाट माग हुन आएको सवारी साधन,मेशिनरी औजार तथा फर्निचर र फिक्वर्स लगायतका सामाग्री कार्यपालिकाले निर्णय गरि मंगलबार हस्तान्तरण गरिएको नगर प्रमुख जयसवालले बताउनु भयाे ।
नगरपालिकाले सवारी साधन मोटरसाईकल, १५० सि.सि. १ थान , मेसिनरी तथा औजार( डेस्टअप २ थान,प्रिन्टर १ थान,UPS २ थान ,सिलिङ पंखा ५ थान ) र फर्निचर तथा फिक्वर्स (३ सिटर कुर्सी ३ थान,फिक्स कुर्सी ४ थान ) बितरण गरिएकाे नगरपालिकाका जिन्सी शाखा प्रमुख मुकेश कुमार साहले जनाएका हुन् ।
