सर्लाही । सर्लाहीको ईश्वरपुर नगरपालिका वडा नं. ६ झन्झटटोल बस्ने ३८ वर्षिया नैमुख खातुन र उनकी छोरी १९ वर्षिया आशो खातुन आगलागी बाट घाइते भएकी छन । करिब एक हप्ता अघि आफ्नै घरमा खाना पकाउने क्रममा ग्याँस सिलिन्डरबाट अचानक ग्यास लिक भई आगलागी हुदाँ नैमुखन र उनकी छोरी घाइते भएकी थिइन ।
यसैक्रममा गम्भिर घाइते खातुनलाई सर्लाहीको चन्द्रनगर गाउँपालिका वडा नं. २ निवासी नेकपा (माओवादी केन्द्र) का नेता नवीन यादवले पीडित परिवारलाई राहत स्वरूप नगद रु ११ हजार र विभिन्न खाद्यान्न सामग्री उपलब्ध गराएका छन्।
राहत सामग्रीमा चामल, दाल, आलु, स्यावनी, खाने तेल, नुन, चिनी, र चियापत्ती समावेश गरिएको छ। हाल उनी काठमाडौँमा उपचाररत छिन्, र उनको अवस्था गम्भीर रहेको बताइएको छ। सहयोग गरेर ठुलो गुण लगाएको घाइते नैमुनका श्रीमान गुल्दार घानले निगरानी टुडेलाई बताए ।
सहयोग कार्यक्रममा माओवादी केन्द्रका, ईश्वरपुर नगर कमिटीका अध्यक्ष नरेश महतो, उपाध्यक्ष सुरेन्द्र गोले, माओवादी नेता बिक्रम आचार्य (रमेश), र ईश्वरपुर नगरपालिका–६ का वडाध्यक्ष रहमत अन्सारी पनि सहभागी भएका थिए।
घटनाबाट पीडित परिवारलाई थप सहयोग आवश्यक रहेको र उनीहरूको जीवन पुनर्निर्माणका लागि सामूहिक प्रयास गर्नुपर्ने स्थानीयले बताएका छन्।
