ईश्वरपुरमा प्लाष्टिकको झोला बनाउने फ्याक्ट्रिमा भिषण आगलागि हुदाँ करोडौको क्षेती ( भिडियाे सहित)
सर्लाही,१८ माघ । सर्लाहीको ईश्वरपुर नगरपालिका वडा नं. ७ बयलबास बजारमा प्लाष्टिकको झोला बनाउने फ्याक्ट्रिमा भिषण आगलागि हुदाँ करोडौको क्षेती भएको छ ।
आज बिहान ३ः२५ बजेको समयमा ईश्वरपुर न.पा.७ ब्रहमस्थान चोक स्थितमा नेत्र बहादुर कार्कीको घरमा भाडा गरी चन्द्रनगर गाउँपालिका वडा नं. ४ पोखरियाटोल बस्ने राम छबिला साहले संचालन गरेको हिमालयन पोलि नेपाल (प्लाष्टिकको झोला बनाउने फ्याक्ट्रि)मा बिधुत सर्ट भई आगलागि हुदा करोडौको क्षेती भएको प्रहरीले जनाएको छ ।
आगलागी बाट कम्पनिमा रहेको मेशिन,कच्चा पदार्थ र घर पुर्ण रूपमा जलेर क्षेती भएको हो । उक्त फ्याक्ट्रिमा करिब साढे ७ करोडको क्षेती भएको हुन सक्ने ईश्वरपुरका व्यपारीहरुले अनुमान गरेका छन ।
आगलागि भएको समयको भिडियाे ।
घटना भएको स्थानमा ईलाका प्रहरी कार्यालय केशरगंज, ईश्वरपुरका प्रहरी निरीक्षक.उमाकान्त जोशीको कमाण्डमा ३० जना,सागरनाथ वेस क्याम्प बाट सशस्त्र प्रहरी निरीक्षको कमाण्डमा ९ जनाको टोली,हरिवन न.पा.र मलंगवा न.पा.बाट आएको दुई वटा दमकल तथा स्थानिय मानिसहरूको सहयोगमा उक्त आगो बिहान ०५ः३० बजेको समयमा पुर्ण रूपमा नियन्त्रणमा आएको जिल्ला प्रहरी कार्यालय सर्लाहीले जनाएको छ ।
उक्त आगोबाट सोही ठाउँ बस्ने नबल किशोर साहको घरमा पनि आंशिक क्षेती भएको मानविय तथा चौपाय क्षेती नभएको र अन्य क्षेतीको बिबरण आउन बाँकि रहेको जिल्ला प्रहरी कार्यालय सर्लाहीले जनाएको छ ।
