सर्लाही,२ फागुन । सर्लाहीमा आगोले जली एक वृद्धको मृत्यु भएको छ । मृत्यु हुनेमा बागमती नगरपालिका वडा नं. ८ गिरी टोल बस्ने अन्दाजी वर्ष ६५ को रामअशिष साह रहेका छन ।
आज बिहान आफ्नो घरको अगाडी आगो बाली आगो तापिरहेको अवस्थामा वृद्ध साहको शरीरमा आगोलागी जली मृत्यु भएको थियो । राति घरमै सुतिरहेका साह कसरी सडकमा पुग्नुभयो र आगो लाग्यो भन्नेबारे अनुसन्धान भइरहेको प्रहरीले जनाएको छ ।
मृत्क साह बिगत २ वर्ष देखि प्यारालाइसिसको बिरामी समेत रहेको जिल्ला प्रहरी कार्यालय सर्लाहीका प्रहरी नायव उपरीक्षक माधब प्रसाद बुढाथोकीले जानकारी दिनुभयो ।
