चन्द्रनगरमा मा.वि. स्तरीय वक्तृत्वकला प्रतियोगिता सम्पन्न
सर्लाही१६ मंसिर ।सर्लाहीको चन्द्रनगर गाउँपालिकामा अपाङ्गता भएका व्यक्तिहरुको ३१ औं अन्तर्राष्ट्रिय दिवस को अवसरमा आज मावि स्तरीय वक्तृत्वकला प्रतियोगिता गरिएको छ ।
चन्द्रनगर गाउँपालिका अध्यक्ष राजकुमार महतोको अध्यक्षता तथा अस्ट्रेलियन एड, ह्याण्डीक्याप इनटरनेशनल, राष्ट्रिय रोजगार प्रवर्द्धन केन्द्र, अपाङ्गतासमावेशी विकास केन्द्र चन्द्रनगर, वर्ल्ड एजुकेसन र चन्द्रनगर गाउँपालिकाको समन्वयमा शुक्रबार वक्तृत्वकला प्रतियोगिता सम्पन्न गरिएको छ ।
शनिवार अपाङ्गता भएका व्यक्तिहरुको ३१ औं अन्तर्राष्ट्रिय दिवस मनाईने भएको छ । सोही अवसरमा आज मावि स्तरीय वक्तृत्वकला प्रतियोगिता गरिएको अपाङ्गता कार्यक्रम संयोजक तुलाराम धमलाले जानकारी दिनुभयो ।
कार्यक्रममा समावेशी विकासको आधार गुणस्तरीय शिक्षा र पहुँचयुक्त पूर्वाधार विषयमा अन्तर मावि स्तरीय वक्तृत्वकला प्रतियोगिता गरिएको मोबाइल टिचर पुनम ठाकुरले जानकारी दिइन् ।
वक्तृत्वकला प्रतियोगितामा प्रथम हुनेलाई डिक्सनेरी औजार बकस ,दितिय हुनेलाई डिक्सनेरी डटपेन, तृतीय हुनेलाई डिक्सनेरी र सिसाकलम, चौथो हुनेलाई डिक्सनेरी शनिवार प्रदान गरिने छ।
वक्तृत्वकला प्रतियोगितामा मरिचमान मावि, दुर्गा खोभारी जन्ता माविका छात्र तथा छात्राहरू लगायत शिक्षकहरुको पनि उपस्थिति रहेको थियो ।
