मधेस प्रदेस मिडिया काउन्सिलका अध्यक्ष शिवहरी भटराईको मृत्यु
सर्लाही१७ मंसिर ।सर्लाहीको लालबन्दी नगरपालिकामा मधेस प्रदेस मिडिया काउन्सिलका अध्यक्ष शिवहरी भटराईको मृत्यु भएको छ ।
नेपाल पत्रकार महासंघ सर्लाही शाखाको आज हुने ११ औं साधारण सभामा विशिष्ट अतिथिको रुपमा आउनु भएको भटराई सुतेको अवस्थामा शव फेला परेको छ ।
लालबन्दी नगरपालिका–१३, पथ्थरकोट(छेँडा) स्थित ‘होलिडे फेमिलि रिसोर्ट’ को रुममा अध्यक्ष भटराई बान्ता गरेको अवस्थामा मृत फेला परेको छ।
अहिले प्रहरीले मुचुल्का गर्ने काम गरिरहेको छ । अध्यक्ष भटराईको के कारणले मृत्युु भएको खुल्न नसकेको नेपाल पत्रकार महासंघ जिल्ला कार्य समिति सर्लाही सदस्य मुकेश झाले जानकारी दिनुभयो ।
भटराईको मृत्यु भएपछि नेपाल पत्रकार महासंघ सर्लाही शाखाको उद्घाटन समारोह एवं बन्दशत्रको कार्यक्रम स्थगित गरिएको नेपाल पत्रकार महासंघ शाखा सर्लाहले जनाएको छ ।
उहाँ नेपाल पत्रकार महासंघ सप्तरी शाखाका संस्थापक सभापति ,पुर्व केन्द्रिय उपाध्यक्ष समेत भैसक्नुभएको थियो।
