सर्लाही । सर्लाही प्रहरीले लाखौँको भन्सार छली गरी भारतबाट नेपाल तर्फ ल्याउँदै गरेको सर समान बरामद गरेको छ । सर्लाही प्रहरीले रू. १० लाख ९ हजार ७ सय २५रुपैया बराबरको अवैध भन्सार छलीका सामानहरू बरामद गरेको छ ।
विभिन्न मितिमा जिल्ला प्रहरी कार्यालय तथा मातहत समेतबाट गस्तीमा खटिएका प्रहरी टोलीले सर्लाहीका विभिन्न स्थानहरूबाट अवैध रुपमा भन्सार छली गरी भारतबाट नेपाल तर्फ ल्याउँदै सर समान बरामद गरी आवश्यक कारबाहीको लागि भन्सार कार्यालय मलंगवामा बुुझाएको जिल्ला प्रहरी कार्यालय सर्लाहीले जनाएको छ ।
बरामद गरिएको समानहरु कपडा, किराना आइटमहरु, पेय पदार्थ, इलेक्ट्रोनिक्स र कस्मेटिक सामानहरु लगायत मोटरसाइकल ५ थान रहेको जिल्ला प्रहरी कार्यालय सर्लाहीका प्रहरी प्रवक्ता दिपक श्रेष्ठले जानकारी दिनुुभयो ।
