सर्लाही,६ कार्तिक । सर्लाहीको बरहथवा नगरपालिकामा आज बिहान भएको आगलागी बाट १० लाख बराबरको क्षति भएको छ । बरहथवा नगरपालिका वडा नं. १ सहनी टोल बस्ने राम प्रवेश सहनी , निजको भाई मनोज सहनी र वर्ष २० को ललका सहनीको बासँ, काठ र टालिले छाएको दुई तल्ले कच्ची घरमा घुरको आगोबाट आगलागी भएको थियो ।
आगलागी बाट घरमा रहेको सुन र चाँदीको गर गहना, नगद, कागजपत्र, अन्नपात, भाडाबर्तन, लत्ताकपडा तथा चौपाया जलेर दश लाख बराबरको क्षेती भएको जिल्ला प्रहरी कार्यालय सर्लाहीका प्रहरी प्रवक्ता दिपक श्रेष्ठले जानकारी दिनुभयो । आगलागी प्रहरी स्थानिय र दमकलको सहयोगमा पुर्ण रुपमा नियन्त्रणमा आएका तथा मानविय क्षति नभएको प्रहरी प्रवक्ता श्रेष्ठले जानकारी दिनुभयो ।
