ताजा खबरमधेश प्रदेशसमाचारसमाजस्थानीय
ईश्वरपुरमा ३ करोड बढि लागतमा नयाँ प्रशासनिक भवन निर्माण हुने
सर्लाही,१४ मंसिर ।सर्लाहीको ईश्वरपुर नगरपालिकाको नयाँ प्रशासनिक भवन निर्माण हुने भएको छ । ईश्वरपुरका मेयर मनोज कुमार आचार्यले आज नयाँ प्रशासनिक भवनको शिलान्यास गर्नुभएको छ ।
प्रशासनिक भवन ३ करोड ५६ लाख १० हजार ६ सय ६९ रुपैया ९७ पैसाको लागतमा निर्माण हुने ईश्वरपुर नगरपालिकाले जनाएको छ । ५ करोड ११ लाख ७९ हजार ८ रुपैया ९७ पैसामा भवन निर्माण गर्न इस्टिमेट गरिए पनि कन्स्ट्रक्सन अफ एडमिन एनेक्स बिल्डिङ्गले ३ करोड ५६ लाख १० हजार ६ सय ६९ रुपैया ९७ पैसाको लागतमा कन्ट्राक्ट गरेको ईश्वरपुर नगरपालिकाले जनाएको छ ।
प्रशासनिक भवनको काम असोज ९ गते बाट सुरु गरिए पनि शिलान्यास भने आज भएको नगरपालिकाले जनाएको छ । प्रशासनिक भवन ठेक्केदार कम्पनीले २०८२ असाढ ३० गते सम्म सम्पन्न गर्नुपर्ने छ ।
