सर्लाही,१५ मंसिर। सर्लाहीको लालबन्दी निवासी पत्रकार शंकर श्रेष्ठलाई सम्मान गरिएको छ। आज लालबन्दी नगर वाङ्मय परिषदको आयोजनामा गरिएको लालबन्दी साहित्य महोत्सव उहालाई सम्मान गरिएको छ।लालबन्दी नगर वाङ्मय परिषदले लालबन्दी नगर वाङ्मय परिषद् भाषा तथा साहित्य पुरस्कार अन्तर्गत स्थानीय प्रतिभा पुरस्कार सर्लाहीका पत्रकार शंकर श्रेष्ठलाई नगद रु २५ हजार सहित प्रमाणपत्र बाट सम्मान गरेको छ।
पत्रकार श्रेष्ठलाई प्रमुख अतिथि नेपाल प्रज्ञा प्रतिष्ठान कमलादी काठमाडौं का कुलपति भूपाल राईले सम्मान गर्नुभएको थियो ।
त्यस्तै लालबन्दी नगर वाङ्मय परिषद् भाषा तथा साहित्य पुरस्कार लेखक तथा पत्रकार अखण्ड भण्डारीलाई पनि नगद रु ५० हजार नगद तथा प्रमाणपत्र लालबन्दी नगर वाङ्मय परिषदले सम्मान गरेको छ।
यसैगरी नेपाली साहित्यका प्रथम सहिद कृष्णलाल स्मृति पुरुषकार बाट पत्रकार तथा वरिष्ठ साहित्यकार रोचक घिमिरे सम्मानित हुनुभएको छ। उहालाई नगद रु ५० हजार तथा प्रमाणपत्र बाट सम्मान गरिएको छ।
पुरस्कार वितरण लालबन्दी नगर वाङ्मय परिषद्का अध्यक्ष अच्युत अधिकारी, नेपाल प्रज्ञा प्रतिष्ठान कमलादी काठमाडौं का कुलपति भूपाल राई, लालबन्दी नगर प्रमुख बासुदेव अधिकारी, विशिष्ट अतिथि डां घनश्याम न्यौपाने, प्राज्ञिक सभा सदस्य नेपाल प्रज्ञाप्रतिष्ठानका चेतनाथ धमला, लालबन्दी नगरपालिकाका प्रमुख प्रशासकीय अधिकृत बसन्त न्यौपानेले गर्नुभएको थियो ।
