लालबन्दीमा दलित तथा विपन्न नगरीकलाई फाइवर सिरक वितरण

लायन्स क्लब अफ लालबन्दी सेन्चुरीले लालबन्दी नगरपालिकाका विभिन्न स्थानमा बस्ने दलित तथा विपन्न नगरीकलाई फाइवर सिरक वितरण गरेको छ ।

लायन्स क्लब अफ लालबन्दी सेन्चुरीका अध्यक्ष सन्तोष आचार्यको अध्यक्षतामा आज मात्र वडा नं. ६ मा दलित तथा विपन्न नागरिकलाई फाइबर सिरक वितरण गरिएको छ ।

लायन्स क्लब अफ लालबन्दी सेन्चुरीले अहिले सम्म वडा नं. १,२,७,८, १०,११ र १३ गरी १ सय जना विपन्न परिवारमा फाइबर सिरक वितरण गरिसकेको लायन्स क्लब अफ लालबन्दी सेन्चुरीको सदस्य राजेश सिंहले जानकारी दिनुभयो । लायन्स क्लब अफ लालबन्दी सेन्चुरी माघ ३ गते देखि निरन्तर रुपमा फाइबर सिरक बितरण गर्दै आएको सदस्य सिंहले बताउनुभयो ।