सर्लाहीको हरिपुर ५ मजुर्वामा तेश्रो कोद्राह गोल्डकप २०८१ सुरु भएको छ । स्थानीय रजा युवा क्लवले आयोजना गरेको प्रतियोगितको नेपाल रेडक्रस सोसाईटी उपशाखा हरिपुरका नव निर्वाचित अध्यक्ष चन्द्रिका साहले कार्यक्रमको उदघाटन गरेका हुन् । प्रतियोगितामा आयोजकसहित विभिन्न १२ ओटा टीमको सहभागिता रहेको छ ।
प्रतियोगिताको उद्घाटन खेलमा बिहिवार नव संर्घषशिल युवा क्लव सर्लाही र अल्टोकी युवा क्लव रौतहट आमने सामने भएका थिए । प्रतियोगितामा अल्टोकीलाई ० का विरुद्ध १ गोल गर्दै नव संर्घषशिल युवा क्लव विजयी भएको छ ।
‘‘स्वास्थ्यका लागि खेलकुद , राष्ट्रका लागि खेलकुद ’’ भन्ने मूल नाराका साथ आयोजना गरिएको प्रतियोगिताको विजेता टिमले नगद ७० हजार १०५ रुपैयाँ सहित शिल्ड, मेलड र प्रमाणपत्र हात पार्नेछन भने द्वितिय हुने टिमले नगद ४० हजार ५५ रुपैयाँसहित शिल्ड, मेडल र प्रमाणपत्र प्राप्त गर्ने आयोजकका अध्यक्ष रभु हुसेन मोमिनले जानकारी दिए । प्रतियोगिताको फाईनल खेल भने माघ २३ गते हुने आयोजकले जनाएको छ ।
