तेश्रो कोद्राह गोल्डकप प्रतियोगितामा आर एफ सी हरिवन विजयी

सर्लाहीको हरिपुर ५ मजुर्वामा जारी तेश्रो कोद्राह गोल्डकप प्रतियोगितामा आर एफ सी हरिवनले आयोजक राजा युवा क्लबलाई स्तब्ध पारेको छ । आज दोस्रो दिनको प्रतियोगितामा ० का बिरुद्ध ३ गोलले आर एफ सी हरिवन विजयी भएको छ ।आज भएको खेलमा भने म्यान अफ द म्याच आयोजक राजा युवा क्लबका खेलाडी जग्दिश माझी बनेको छ।

प्रतियोगितामा आयोजकसहित विभिन्न १२ ओटा टीमको सहभागिता रहेको छ ।‘‘स्वास्थ्यका लागि खेलकुद , राष्ट्रका लागि खेलकुद ’’ भन्ने मूल नाराका साथ आयोजना गरिएको प्रतियोगिताको विजेता टिमले नगद ७० हजार १०५ रुपैयाँ सहित शिल्ड, मेलड र प्रमाणपत्र हात पार्नेछन भने द्वितिय हुने टिमले नगद ४० हजार ५५ रुपैयाँसहित शिल्ड, मेडल र प्रमाणपत्र प्राप्त गर्ने आयोजकका अध्यक्ष रभु हुसेन मोमिनले जानकारी दिए । प्रतियोगिताको फाईनल खेल भने माघ २३ गते हुने आयोजकले जनाएको छ ।