सर्लाहीको लालबन्दीमा उत्प्रेरणा तथा साक्षरता कक्षा तालिम सम्पन्न भएको छ ।बागमती सेवा समाज नेपाल हरिवनको आयोजना तथा वर्ल्ड भिजनको सहयोगमा ३ दिने तालिम आज सम्पन्न भएको हो । तालिम १६ गते बाट सुरु भई आज समापन भएको छ ।
तालिममा पर्सा गाउँपालिका र हरिपुर्वा नगरपालिका गरि ३० जनालाई तालिम प्रदान गरिएको छ ।
३० जनै उत्प्रेरणा तथा साक्षरता सहजकर्ता ले अब आ- आफ्नो पालिकामा गई विधालय बाहिर रहेका बालबालिकालाई खोजी कार्य गर्ने तथा शिक्षा सम्बन्धि उत्प्रेरणा प्रदान गर्ने छन ।
सहजकर्ताहरुले ३ महिना सम्म उत्प्रेरणा तथा साक्षरता कक्षा संचालन गर्ने बागमती सेवा समाज नेपालका परियोजना संयोजक प्रमेश बाँदेले जानकारी दिनुभयो ।
तालिममा सहभागी सहजकर्ता ममता कुमारी यादवले गित गाएर, डांस गराएर, चित्र कोरेर, मेटाकार्ड बाट शिक्षण सिकाई हुने गरेको कुरा सिकेको बताउनुभयो ।
बालबालिकालाई माया प्रेम गरि सकाउनु, नपिट्नु, फकाई फकाई सिकाउनु उमेर पुगेका विद्यालय बाहिर रहेका सबै बालबालिकाहरूलाई विद्यालय ल्याउन हरिपुर्वा न.पा.का नगर उपप्रमुख सुमित्रा देवी ग्वारिनले सहभागीलाई आग्रह गर्नु भयाे र आफू बेलाबेलामा सहभागीले सिकाए नसिकाएका अनुगमन गर्ने समेत उहाले बताउनुभयो ।
हरिपुर्वा नगरपालिकाका प्रशासकीय अधिकृत कुमार परियारले सहजसहजकर्ता लाई सिकेको कुरा व्यवहारमा लागू गर्न बताउनुभयो । उहाले स्थानीय सरकारले गर्न नसकने काम गैर सरकारी संस्थाले गरेको बताउनुभयो ।
