सर्लाही, असोज १२ । जिल्ला प्रशासन कार्यालय सर्लाहीमा कार्यरत प्रशासकीय अधिकृत सुरेश प्रसाद दासलाई सप्तरीको छिन्नमस्ता गाउँपालिका सरुवा भएसँगै बिदाइ गरिएको छ ।
प्रमुख जिल्ला अधिकारी (सिडिओ) श्री तुलसी बहादुर श्रेष्ठको अध्यक्षतामा कार्यालयमा आयोजित “फेरि भेटौला” कार्यक्रममा दासलाई बिदाइ गरिएको हो ।
कार्यक्रममा वक्ताहरूले कार्यालयमा कार्यरत रहँदै दासले देखाउनुभएको सक्रियता, सरल स्वभाव र सेवाप्रति समर्पणलाई प्रशंसा गर्दै उहाँको आगामी कार्यकालमा सफलताको शुभकामना व्यक्त गरेका थिए ।
