निरन्तरको वर्षाले सर्लाहीका ९३ वटा इँटा उद्योगमा करोडौँको क्षति
सर्लाही,२३ माघ ।सर्लाहीमा दुई दिनको निरन्तर वर्षाले ९३ वटा इँटा उद्योगमा करोडौँ मूल्य बराबरको इँटा नष्ट भएको छ ।
मैत्री हनुमान इटाँ उधोग हरिपुर ५ का संचालक राजु साहका अनुसार महिनो दिन लगाएर तयार गरिएको काचो ईटाँ निरन्तरको झरीको कारण ४० लाख बराबरको क्षति भएको बताउनुभयो । पानीले इँटा उद्योगहरुमा चाङ लगाएर राखिएको काँचो इँटा भिजेर नष्ट भएको साहले बताउनुभयो ।
हरिपुर नगरपालिकास्थित लक्ष्मीपुरमा रहेको आफ्नो दुईवटा इँटा उद्योगमा गरी झण्डै डेढ करोड रुपियाँ बराबरको इँटा नष्ट भएको सर्लाही इँटा उद्योग व्यवसायी सङ्घका अध्यक्ष मेथुर चौधरीले जानकारी दिनुभयो । उहाँले वर्षाका कारण अन्य इँटा उद्योगीको ५० लाखदेखि ७५ लाख रुपियाँसम्म नोक्सान भएको बताउनुभएको छ । सर्लाहीमा ९३ वटा इँटा उद्योग रहेका छन् । वर्षाको पानीले प्रत्येक इँटा उद्योगमा तयार पार्दै गरेको काँचो इँटा नष्ट भएको छ । वर्षाले इँटा नष्ट गरेपछि जिल्लामा अब केही समय निर्माणका कार्यहरु प्रभावित हुने देखिएको छ ।
