सर्लाही ।सर्लाहीमा प्रतिबन्धित लागु औषध गाँजा सहित दुई जनालाई प्रहरीेले नियन्त्रणमा लिएको छ । पक्राउ पर्नेमा सिन्धुलीको हरीहरपुर गढी गाउँपालिका वडा नं. ८ बस्ने २९ वर्षिय वाङ दोर्जे थिंङ र मोटरसाइकलमा सवार सर्लाहीको हरीवन नगरपालिका वडा नं. ४ तिनघरे बस्ने ३० वर्षिय सागर लामा रहेका छन । सर्लाहीको बरहथवा ननगरपालिका वडा नं. १६ गंगापुर स्थित बागमती नहरमा उत्तरबाट दक्षिण तर्फ आउँदै गरेको बा.प्र.०२–०२१ प २४४४ नं. को मोटरसाइकललाई शंका लागि चेकजाँच गर्दा उक्त गाजाँ बरामद गरिएको जिल्ला प्रहरी कर्यालय सर्लाहीले जनाएको छ ।
उनिहरुलाई प्रहरीले चेकचाँच गर्दा दुबैले बोकेको पछाडी भिर्ने कालो झोलामा एक ÷ एक पोका गरी दुई पोकामा अन्दाजी ११ के.जि गाँजा फेला पारीएको प्रहरीले जनाएको छ । सर्लाही अदालतबाट ७ दिनको म्याद लिई ईलाका प्रहरी कार्यालय बरहथवाबाट अनुसन्धान कार्य भई रहेको जिल्ला प्रहरी कार्यालयका प्रहरी प्रवक्ता दिपक श्रेष्ठले जानारी दिए ।
