एनएमबी बैंकले ग¥यो पत्थरकोटका किसानसँग अन्तरक्रिया
लालबन्दी ।। नेपालका बैंकहरु किसानमुखि भएनन् भन्ने आरोप लागिरहेको बेला लालबन्दी स्थित एनएमबी बैंकले भने किसानहरुसँग अन्तरक्रिया गरेको छ ।
केही महिनाअघि मात्रै लालबन्दीमा आफ्नो नयाँ शाखा सञ्चालनमा ल्याएको एनएमबी बंैकले लालबन्दी नगरपालिका १२ का किसानहरुसँग किसान अन्तरक्रिया तथा वित्तिय साक्षरता सम्बन्धी कार्यक्रम गरेको हो ।
लालबन्दी नगरपालिका १२ का पत्थरकोट तथा जियाजोर क्षेत्रका दुई सय बढी किसानहरुको सहभागितामा आयोजित अन्तरक्रिया कार्यक्रमलाई बंैकका केन्द्रीय कार्यलयका लघुवित्त मेनेजर शरद पौडेलले सहजीकरण गर्नुभएको थियो ।
उहाँले एनएमबी बैंकले किसानहरुलाई दिने सहुलियतपूर्ण कर्जा के हो रु यसका प्रक्रियाहरु के के हुन रु भन्ने बारेमा जानकारी दिनुभएको थियो । उहाँले बैंकले उपलब्ध गराउने अन्य सेवाहरुका बारेमा पनि सहभागिहरुलाई जानकारी गराउनुभएको सो बैंकका लालबन्दी शाखाका प्रवन्धक अरुण आचार्यले जानकारी दिनुभयो ।
कृषक अन्तरक्रिया तथा वित्तिय साक्षरता कार्यक्रमको सञ्चालन भने वैंकका ऋण अधिकृत सरोज पोखरेलले सञ्चालन गर्नुभएको थियो । एनएमबी बैंक द फाईनान्सियल टाईम्स लण्डनको द ब्याङ्कर पत्रिकाबाट एसियाकै सर्वोत्कृष्ट बैंकको उपाधि ‘बैंक अफ द ईयर एसिया २०२१’ अवार्डबाट सम्मानित बैंक हो ।
