१३ चैत्र २०८०, मंगलवार | Email:- [email protected] | [email protected]
अख्तियार आयुक्तकै जागिर खुस्काईदिने राष्ट्रिय खेलाडी पनि चुनावी मैदानमा – Nigrani Today
ताजा खबरप्रदेश २राजनीतिसमाचारस्थानीय

अख्तियार आयुक्तकै जागिर खुस्काईदिने राष्ट्रिय खेलाडी पनि चुनावी मैदानमा

असोज २८ गते ।। नेपाल कराते महासंघका केन्द्रीय सचिव राष्ट्रिय खेलाडी ध्वजमान मुक्तानले संघीय संसदका लागि उमेदवारी दिनुभएको छ ।

खेलकै माध्यमबाट देशको नाम राष्ट्रिय तथा अन्तर्राष्ट्रिय स्तरमा चिनाउन सफल हुनुभएका पछिल्लो समय भ्रष्टाचार विरोधी अभियन्ताको रुपमा समेत परिचय बनाउनु भएका मुक्तानले सर्लाही क्षेत्र नम्बर १ बाट संघीय संसदको लागि स्वतन्त्रबाट उमेदवारी दिनुभएको हो । उहाँले मौरी छाप चुनाव चिन्ह प्राप्त गर्नुभएको छ ।

सम्पूर्ण जीवन खेलमै समर्पित गर्नुभएका मुक्तान देशमा व्याप्त भ्रष्टाचार, अनियमितता, कालोबजारी, बेरोजगारी, चरम गरीबी लगायतका समस्या टुलुटुलु हेरेर बस्न नसकेको भन्दै आफै चुनावमा होमिएको बताउनुभयो । उहाँले आफूले चुनाव जिते खेल क्षेत्रसहित समाजलाई सही मार्गमा डो¥याउन, शान्ति सुव्यवस्था कायम गर्न र विकास र समृद्धिका लागि काम गर्ने बताउनुभयो ।

भाईरल पोष्टसँग कुराकानी गर्नुहुँदै स्वतन्त्र उमेदवार मुक्तानले भन्नुभयो,‘खेल क्षेत्रबाट मैले राष्ट्रका लागि जति योगदान दिनु दिएँ । अब राजनीतिमै लागेर समाज परिवर्तन गर्न लाग्छु ।’ उहाँ खेलाडी मात्रै नभएर भ्रष्टाचार निवारण अभियन्ता पनि हुनुहुन्छ । भ्रष्टाचारीहरु आफूलाई मन नै नपर्ने बताउनुहुँदै उहाँअगाडि भन्नुहुन्छ,‘ मैले यहाँ सम्म कि भ्रष्टाचारीहरुलाई कार्वाही गर्ने निकाय अख्तियार दुरुपयोग अनुसन्धान आयोगका आयुक्तकै जाखिर खाई दिएको छु । करीब दुई वर्ष अघि प्रमुख आयुक्तको लाईनमा रहेका अख्तियार दुरुपयोग अुनसन्धान आयोगका आयुक्त राजनारायण पाठकको जागीर मैले नै चैट पारिदिएको हुँ ।’ उहाँले भन्नुभयो,‘त्यसैले म भन्छु कि म भ्रष्टाचार गर्दिन, गर्न दिन्न र गर्नेलाई छोड्दिन ।’

उहाँले पछिल्लो समय दलहरुप्रति जनताको विश्वास टुटेकोले आफूले चुनाव जित्ने दाबी गर्नुभयो । ‘अहिले दलहरुप्रति जनताको विश्वास टुटेको छ । भ्रष्टहरुलाई मत दिँदा दिँदा जनता आजीत भईसकेका छन् । जनताले काम गर्ने मान्छे खोजेका छन् । विकास गर्ने नेतृत्व खोजेका छन् । त्यसैले म जनताका मूलभूत आवश्यकता पूरा गर्न सक्षम छु । मलाई आशा छ, यस क्षेत्रका जनताले मलाई विजयी बनाउनुहुनेछ’, मुक्तानले भन्नुभयो ।

उहाँले आफू अरु जस्तो नक्कली स्वतन्त्र उमेदवार नभएको बताउनुभयो । ‘अरु त पार्टीले टिकट नदिएपछि स्वतन्त्र बनेका हुन् । उनीहरु स्वतन्त्र पनि होईनन् पार्टीका बागी उमेदवार हुन् । म त कुनै पनि दलमा नलागेको शतप्रतिशत स्वतन्त्र उमेदवार हुँ । अर्थात् सक्कली स्वतन्त्र उमेदवारलाई जनताले भोट दिनुहुनेछ ।’, मुक्तानले भन्नुभयो ।

को हुन् ध्वजमान मुक्तान ?

ध्वजमान मुक्तान नेपाल कराते महासंघका केन्द्रीय सचिव तथा मधेश प्रदेशका ईन्चार्ज हुनुहुन्छ । विस २०२६ साल फागुन ५ गते पिता जंगवीर मुक्तान र माता मनमाया मुक्तानको कोखबाट भएको हो । जंगवीर र मनमायाका ५ भाई छोरामध्ये ध्वजमान साईला छोरा हुनुहुन्छ ।

सर्लाहीको ईश्वरपुर नगरपालिका ४ साविक भक्तिपुर गाविसको सागरनाथमा जन्मिनुभएका मोक्तानको बाल्यकाल सागरनाथमै बित्यो । सम्पन्न परिवारको नभएपनि खान लाउन भने उहाँको परिवारमा समस्या थिएन ।
उहाँले सागरनाथस्थित सागरनाथ माविबाट प्राथमिक तहको शिक्षा हासिल गर्नुभयो भने बयलवासस्थित नारायण माविबाट एसएसलसी तथा काठमाण्डौं स्थित आरआर क्याम्पसबाट आईए पास गर्नुभयो ।

सानै देखि खेलमा रुचि राख्नुहुने ध्वजमानले ११ वर्षको उमेरदेखि नै कराते खेल्नु भयो । खेल खेलेरै देशको नाम राख्छु भनेर कराते मै अघि बढ्नु भएका ध्वजमानले आठौं साफमा स्वर्ण पदक जित्नु भएको थियो । उहाँले सन् २००१ देखि २०११ सम्म जापानमा रहेर खेल प्रशिक्षण गराउनु भएको थियो । उहाँ फाईभ डन खेलाडी हुनुहुन्छ ।

जीवनमा खेल खेलेर नै थुप्रै सफलता प्राप्त गर्नुभएका ध्वजमानले दर्जनौं राष्ट्रिय अन्तर्राष्ट्रिय पदक तथा पुरस्कारहरु जित्नु भएको छ । उहाँ गोरखा दक्षिणबाहू तेश्रो त्रिशक्ति पट्टबाट समेत सम्मानित भई सक्नुभएको व्यक्ति हुनुहुन्छ । उहाँ सबैसँग समान व्यवहार गर्न रुचाउनु हुन्छ । कसैलाई काखा कसैलाई पाखा गर्नेहरु उहाँलाई पटक्कै मन पर्दैन ।

देशको पछिल्लो राजनीतिक अवस्थाबाट पनि उहाँ आजित, वाक्क दिक्क भएर नै आफै चुनावी मैदानमा उत्रिएको बताउनुहुँदै उहाँले चुनावमा आफूलाई सहयोग गर्न सबै शुभेच्छुक, शुभचिन्तक तथा क्षेत्रवासीहरुसँग आग्रह गर्नुभएको छ ।

Related Articles

Leave a Reply

Your email address will not be published. Required fields are marked *

Back to top button

Adblock Detected

Please off your AdBlocker.