८ असार २०८१, शुक्रबार | Email:- info@nigranitoday.com | marketing@nigranitoday.com
“बलरामा कृषि तथा पशु विकासमा परिवर्तनको प्रयास” – Nigrani Today
ताजा खबरमधेश प्रदेशसमाचारसमाजस्थानीय

“बलरामा कृषि तथा पशु विकासमा परिवर्तनको प्रयास”

सर्लाही,१५ जेष्ठ । सर्लाहीको बलरा नगरपालिकामा साना किसानहरुको लागी कृषि तथा पशु विकासमा परिवर्तनका लागी नगरपालिका निरन्तर प्रयासमा लागिरहेको छ । सोमवार कृषि तथा पशु विकासमा परिवर्तनका लागी गरिव किसानहरुलाई विभिन्न सामग्री निशुल्क वितरण गरिएको छ ।

नगरपालिकाका नगर प्रमुख तथा उप प्रमुख, प्रमुख प्रशासकीय अधिकृत लगायत नगरपालिकाको कर्मचारीहरुको उपस्थितीमा विभिन्न किसिमका उन्नत जातका घाँस, तरकारीहरुको विउ विजन, आधुनिक कृषि खेतीका लागी टनेल तथा मल्चिङ्ग २ सय ५० जना गरिव किसानहरुलाई निशुल्क वितरण गरिएको छ।

त्यस्तै ११ जना किसानहरुलाई विद्युतिय घाँस काट्ने मेसिन समेत प्रदान गरिएको छ । सहकारीको माध्यम वाट कृषि तथा पशु विकासमा परिवर्तनको लागी महिला उद्यमी कृषि सहकारी समेत गठन गरि उक्त सहकारी संचालन गर्नका लागी आवश्यक १ थान ल्यापटप तथा प्रिन्टर, २५ थान प्लास्टि कुर्सि, दराज लगायत स्टेश्नरीहरु समेत सहकारीलाई हस्तान्तरण गरिएको छ । बलरा नगरपालिकामा पशुहरुको कृत्रिम गर्भाधान गर्न तालिम लिएर आएका २ जना दक्ष जनशक्ति लाई उपकरण समेत प्रदान गरिएको छ ।

कार्यक्रम बलरा नगरपालिका र हेफर प्रोजेक्ट नेपालको आर्थिक तथा प्राविधिक सहयोगमा तथा नेपाल एकिकृत विकास समाजको व्यवस्थापनमा कृषि तथा पशु विकासमा आधारित साना किसान तथा यूवा उद्यमशीलता विकास परियोजना अन्तरगत संचालन भएको हो ।

नेपाल एकिकृत विकास समाज संस्थाका सचिव दिवाकर झा ले ११ लाख ५५ हजार वरावरको सामग्री वितरण भएको उहाँले जानकारी दिनुभयो । यसका लागी नगरपालिकाले गरेको सहयोग तथा सहकार्यको लागी नगरपालिका परिवार प्रति झाले कृतज्ञता समेत व्यक्त गर्नु भयो ।

Related Articles

Leave a Reply

Your email address will not be published. Required fields are marked *

Back to top button

Adblock Detected

Please off your AdBlocker.