प्रदीप कुमार दास, रौतहट ।
आषाढ ०८ गते , शनिबार ।
रौतहट जिल्लामा कक्षा ८,९ र १० का विद्यार्थीहरुको लागि कानुनी सचेतना कार्यक्रम सम्पन्न भएको छ ।कानुनी समाज केन्द्र नेपालले गरुडा नगरपालिकामा अवस्थित नमुना माध्यामिक विद्यालयमा अध्ययनरत कक्षा ८,९ र १० का विद्यार्थीहरुको लागि कानुनी सचेतना कार्यक्रम आयोजना गरेको थियो ।
आफ्नै आर्थिक सहयोगमा कानूनी समाज केन्द्र नेपालले आयोजना गरेको कार्यक्रममा संस्थाका सम्पूर्ण सदस्य एवम् नमुना माध्यामिक विद्यालयका केही शिक्षक लगायतको सहभागिता रहेको थियो ।
कार्यक्रममा यस संस्थाका अध्यक्षले राष्ट्रको हरेक व्यक्तिले आफ्नो अधिकारको कानुनी व्यवस्थाको बारेमा जानकारी लिनुपर्ने बताउनुभयो ।
कार्यक्रममा उनले आफ्नो संस्थाको माध्यमले हरेक नगर, गाउँ टोल समेतमा यस्तो कार्यक्रम सञ्चालन गर्ने पनि जानकारी दिएका छन् ।
