परम्परागत हानिकारक अभ्यासहरुलाई सम्बोधन गर्न दुई दिने तालिम
प्रदीप कुमार दास, रौतहट ।
आषाढ ०९ गते ,आईतबार ।
रौतहट जिल्लाको चन्द्रपुरमा अवस्थित होटल तराई इनमा “अन्तर्धार्मिक परिचालन र परम्परागत हानिकारक अभ्यासहरुलाई सम्बोधन गर्न दुई दिने तालिम ” भव्यताका साथ सम्पन्न भएको छ । समुदाय स्तरमा परम्परागत हानिकारक अभ्यासहरु (HTPs) लाई सम्बोधन गर्नका अन्तर धार्मिक अगुवाहरूको पहालहरुलाई बलियो बनाउन र प्रभावकारी रणनीतिहरु बनाउन सरकारी कर्मचारीहरु , धार्मिक अगुवाहरू र स्थानीय सरोकारवालाहरु संग संवाद र समन्वय सहज बनाउने कार्यक्रमको उद्देश्य रहेको थियो ।
उक्त कार्यक्रम निरन नेपाल र वर्ल्ड भिजन नेपालको सहकार्य र आर्डिसी नेपालको प्राविधिक सहयोगमा सञ्चालन गरिएको थियो । महिला हिंसा बिरुद्धको अन्तरधार्मिक राष्ट्रिय संजाल (निरन ) नेपाल आयोजक र वर्ल्ड भिजन इन्टरनेसनल नेपालको सहयोगमा उक्त कार्यक्रम भव्यताका साथ सम्पन्न भएको हो।
परमपरागत हानिकारक अभ्यासहरु बिशेष गरि बालबिबाह न्युनिकारण गर्ने बिश्वास अनुसार कामको उपयोग गर्न धार्मिक अगुवाहरु,स्थानीय सरकार,नागरिक समाज बीच राम्रो सम्बन्ध र साझा समझदारी निर्माण गर्ने कार्यक्रमको मूल उद्देश्य रहेको थियो।महिला हिंसा बिरुद्धको अन्तरधार्मिक राष्ट्रिय संजाल (निरन ) नेपालको रौतहट जिल्ला अध्यक्ष अनिसुर रहमानको सभापतित्वमा संचालन भएको कार्यक्रममा गरुडा नगरपालिका र माधवनारायण नगरपालिकाका स्वास्थ्य,महिला बालबालिका , शिक्षा प्रमुख ,नगर प्रमुख कन्थमनी जैसवाल, प्रमुख प्रशासकीय अधिकृत मोहम्मद मुस्ताक आलम लगायत धार्मिक अगुवाहरु पंडित, मौलना, पास्टरहरु लगायत स्थानीय पत्रकारहरुको उपस्थितिमा कार्यक्रम सम्पन्न भएको थियो कार्यक्रमको उद्घोष किरण कुमारी पासवानले गरेकी थिइन् ।
यसै बीच निरन नेपाल रौतहट जिल्लाको अध्यक्ष रहमानको अध्यक्षतामा सम्पन्न भएको कार्यक्रमबाट महिला अन्तर धार्मिक राष्ट्रिय सञ्जाल रौतहट जिल्लाको कार्य समिति चयन गरिएको हो भने समितिको अध्यक्ष मा डिका कुमारी ठाकुर लगायत ९ सदस्यीय जिल्ला कार्य समिति चयन गरिएको हो ।
