१६ चैत्र २०८०, शुक्रबार | Email:- [email protected] | [email protected]
प्रशिक्षक प्रशिक्षण तालिम शुरु – Nigrani Today
ताजा खबरप्रदेश २समाचारसमाजस्थानीय

प्रशिक्षक प्रशिक्षण तालिम शुरु

महोत्तरी, १८ माघ । वल्र्ड भिजन इन्टरनेसनल नेपालद्वारा साझेदार संस्थाका कर्मचारीहरुको लागि सकारात्मक झुकावका लागि सामूहिक चुल्हो सम्बन्धी ६ दिने प्रशिक्षक प्रशिक्षण तालिम आज माघ १८ गतेबाट बर्दिबासमा शुरु भएको छ ।

उक्त कार्यक्रममा बोल्दै स्वास्थ्य कार्यालय महोत्तरीका प्रमुख भोला यादवले कुपोषण न्युनिकरण र स्वास्थ्य संस्थामा गर्भवती तथा सुत्केरी आमाको पहुँच वृद्धि गर्नका लागि वल्र्ड भिजन इन्टरनेसनल नेपाल र साझेदार संस्थाहरुले महत्वपूर्ण भूमिका निर्वाह गरिरहेको बताउनुभयो । साथै, महोत्तरी जिल्लाको पोषणको अवस्था प्रस्तुतिकरण गर्दै प्रमुख यादवले जिल्लामा कुपोषणको गम्भीर अवस्था रहेकोले विकासका साझेदार संस्थाहरुसँग हातेमालो गरेर काम गरिरहेको बताउनुभयो ।

सोही अवसरमा बोल्दै मधेश प्रदेश स्वास्थ्य निर्देशनालय, जनकपुरका पोषण सम्पर्क अधिकृत बिनोद यादवले समग्र मधेश प्रदेशमा नै ठूलो संख्यामा बालबालिकाहरु कुपोषणको शिकार भइरहेको र यसका लागि सरकारी तथा गैरसरकारी निकाय मिलेर काम गर्नु पर्ने बताउनुभयो ।

यसै गरी नेपाल पत्रकार महासंघ, महोत्तरी सभापति सुनिता बरालले समुदायमा कुपोषण न्युनिकरणका लागि भएका प्रयास बारे संचार माध्यमबाट सूचना संप्रेषण गर्न सहयोग गर्ने कुरा बताउनुभयो ।

संस्थाद्वारा स्थानीय साझेदार संस्था मार्फत संचालित पोषण तथा उत्थानशील जीविकोपार्जन परियोजना अन्तर्गतका कर्मचारीहरुका लागि क्षमता वृद्धि गर्ने उद्देश्यले तालिमको आयोजना गरिएको कुरा संस्थाका फिल्ड कार्यक्रम प्रमुख हरि प्रसाद उपाध्यायले बताउनुभयो ।

वल्र्ड भिजन इन्टरनेसनल नेपाल फिल्ड कार्यालय, बर्दिबासका निमित्त प्रमुख बाल मुकुन्द महतले स्वागत मन्तब्य ब्यक्त गर्नुभएको उक्त कार्यक्रममा एकिकृत ग्रामिण विकास समाज, महोत्तरीका फोकल पर्सन उमेश न्यौपानेले धन्यवाद ज्ञापन गर्नुभएको थियो ।

वल्र्ड भिजन इन्टरनेसनल नेपालले अति विपन्न वर्गका बालबालिका एवं परिवारको पोषण एवं जीविकोपार्जनको अवस्थामा सुधार ल्याउनका लागि मधेश प्रदेशको महोत्तरीमा एकिकृत ग्रामिण विकास समाज, सर्लाहीमा राष्ट्रिय रोजगार प्रवद्र्धन केन्द्र, रौतहटमा ग्रामिण विकास केन्द्र, बागमती प्रदेशको सिन्धुलीमा सिन्धुली एकिकृत विकास समाज र प्रदेश नंं. १ को उदयपुरमा मानव अधिकार र वातावरण विकास केन्द्र मार्फत काम गरिरहेको छ ।

६ दिनसम्म संचालन हुने तालिमको सहजीकरण वल्र्ड भिजन इन्टरनेसनल नेपालका पोषण विज्ञ हरि प्रसाद उपाध्याय र मोहन डाँगी गरिरहनु भएको छ ।

Related Articles

Leave a Reply

Your email address will not be published. Required fields are marked *

Back to top button

Adblock Detected

Please off your AdBlocker.