ताजा खबरप्रदेशमधेश प्रदेशसमाचारस्थानीय
चोरी पैठारी गरेर ल्याउँदै गरेको २०० किलो माछा बरामद
प्रदीप कुमार दास, रौतहट ।
भदौँ ०५ गते , बुधवार ।
जिल्ला प्रहरी कार्यालय रौतहटबाट खटिएको प्रहरी गस्ती टोलीले अवैध माछाको तस्करीलाई विफल बनाएको छ। टोलीले गस्ती गर्दै जाने क्रममा गौर नगरपालिका वडा नं. ६ स्थित बैरीया पुल नजिक भारतबाट चोरी पैठारी गरेर ल्याउँदै गरेको २०० किलो माछा बरामद गरेको हो।
प्रहरीको प्रारम्भिक अनुसन्धानमा यो माछा नेपाल भित्र्याउँदै गरेको पुष्टि भएपछि उक्त माछा नियन्त्रणमा लिइएको थियो।
स्थानीय भद्रभलादमी, सञ्चारकर्मी, तथा प्रहरीको रोहबरमा बरामद माछालाई नष्ट गरिएको छ। यस कार्यले अवैध तस्करी रोकथाममा थप योगदान पुर्याएको प्रहरी कार्यालयले बताएको छ।
सम्बन्धित निकायहरूले अवैध पैठारीको विरुद्धमा कडा कदम चाल्ने प्रतिबद्धता व्यक्त गरेका छन्।
