रौतहट-काठमाडौँ सम्पर्क मंचद्वारा तीज विशेष कार्यक्रम: एमबीबीएस टपर विद्यार्थीलाई सम्मान

प्रदिप कुमार दास, रौतहट ।

भदौँ १६ गते , आईतवार ।

रौतहट-काठमाडौँ सम्पर्क मंचले आयोजना गरेको तीज विशेष कार्यक्रममा नेकपा (एकीकृत समाजवादी) पार्टीका अध्यक्ष तथा रौतहट क्षेत्र-१ का सांसद एवम् पूर्व प्रधानमन्त्री माधवकुमार नेपालले एमबीबीएस नेपालभर टपर दुई जना विद्यार्थीहरू अनिषराज प्रजापति र मधुसूदन प्रसाद साहलाई सम्मान गर्नु भएको छ। कार्यक्रममा उहाँले यी विद्यार्थीहरूको उत्कृष्ट शैक्षिक उपलब्धिका लागि बधाई तथा उज्ज्वल भविष्यको कामना गर्दै शुभकामना दिनुभयो।

माधवकुमार नेपालले आफ्नो सम्बोधनमा भने, “हाम्रो देशमा रहेका प्रतिभाशाली विद्यार्थीहरूले आफ्नो मेहेनत, लगनशीलता, र अध्ययनको नतिजा स्वरूप यस किसिमका उत्कृष्ट उपलब्धिहरू हासिल गर्दैछन्। अनिषराज र मधुसूदनले नेपालभरको प्रतिस्पर्धामा शीर्ष स्थान प्राप्त गर्नु गर्वको विषय हो। यस्ता विद्यार्थीहरूले हाम्रो देशको शैक्षिक स्तरलाई अझ उचाइमा पुर्‍याउनेछन् र उनीहरूको मेहनतले प्रेरित भएर अरु विद्यार्थीहरू पनि आफ्नो अध्ययनमा लागिपर्नेछन्।”

कार्यक्रममा नेकपा (एकीकृत समाजवादी) का  विभिन्न तहयोद्धा नेताहरुको उपस्थिति रहेको थियो। पार्टीका उपमहासचिव रामकुमार भट्टराईले पनि विद्यार्थीहरूको मेहनत र समर्पणको प्रशंसा गर्दै भने, “अनिषराज र मधुसूदनको यो सफलता सम्पूर्ण नेपाली समाजको लागि प्रेरणादायी छ। हाम्रो पार्टी शिक्षामा सुधार र प्रोत्साहनका लागि सधैं तत्पर छ, र हामी यस्ता मेधावी विद्यार्थीहरूको सफलता देखेर हर्षित छौं।”

कार्यक्रममा पार्टीका सचिव सावित्री भुसाल, पोलिटब्युरो सदस्य कल्याणी खड्का, सरला यादव, केन्द्रीय कमिटी सदस्य फुर्वा तामाङ, काठमाडौं जिल्ला कमिटी अध्यक्ष एलबी श्रेष्ठ, नेता लक्ष्मण रेग्मी, विनोद दुलाल, एलबी परियार लगायत सम्पर्क मंचका अन्य नेताहरूको पनि उपस्थिति रहेको थियो। कार्यक्रममा सहभागी सबैले विद्यार्थीहरूको उपलब्धिको खुलेर प्रशंसा गरेका थिए र उनीहरूको मेहनतलाई उच्च सम्मानका साथ स्वीकार गरेका थिए।

तीज विशेष कार्यक्रमको अवसरमा, नेताहरूले नेपाली परम्परा र संस्कृतिलाई सशक्त बनाउने दिशामा एकताको सन्देश पनि दिएका थिए। कार्यक्रमको अन्त्यमा सम्पर्क मंचका नेताहरूले विद्यार्थीहरूलाई विशेष सम्मानपत्र र पुरस्कार प्रदान गरे, जसले कार्यक्रमलाई अझ प्रभावकारी र प्रेरणादायी बनायो।

कार्यक्रमको आयोजक सम्पर्क मंचका अध्यक्षले भने, “हामीले हाम्रा क्षेत्रका प्रतिभाशाली युवाहरूलाई सम्मान गर्न पाउँदा गर्व महसुस गरिरहेका छौं। अनिषराज र मधुसूदनजस्ता विद्यार्थीहरू हाम्रो भविष्यको आशा हुन्, र उनीहरूको सफलता हामी सबैका लागि प्रेरणा हो।”

यस कार्यक्रमले केवल विद्यार्थीहरूलाई सम्मान मात्र गरेको छैन, बरु सम्पूर्ण समाजमा एक सकारात्मक सन्देश प्रवाह गरेको छ। भविष्यमा यस्ता कार्यक्रमहरू आयोजना गरी विद्यार्थीहरूलाई प्रोत्साहित गर्ने कार्यलाई निरन्तरता दिने आयोजकलाई उदृत गर्दै अनेरास्ववियू रौतहट जिल्ला अध्यक्ष आदित्य कुमार रजक बताएका छन्।