२० फाल्गुन २०८०, आईतवार | Email:- [email protected] | [email protected]
प्रभातफेरी सहित विभिन्न कार्यक्रम गरी सगुनले मनायो सहकारी दिवस – Nigrani Today
ताजा खबरप्रदेश २समाचारसमाजस्थानीय

प्रभातफेरी सहित विभिन्न कार्यक्रम गरी सगुनले मनायो सहकारी दिवस

हरिवन, चैत्र २० गते ।।सर्लाहीको हरिवनमा रहेको मधेश प्रदेशकै सर्वोत्कृष्ट सगुन बचत तथा ऋण सहकारी संस्थाले सोमबार विभिन्न कार्यक्रम गरी ६६औं सहकारी दिवस मनाइएको छ ।

सहकारीको दिगोपना, स्वनियमन र सुशासन भन्ने नारासहित दिसवको अवसरमा संस्थाले सोमबार हरिवन बजारमा प्रभातफेरीसहित रक्तदान कार्यक्रम, निवन्ध प्रतियोगिताका विजेताहरुलाई पुरस्कार वितरण कार्यक्रम तथा मानव सेवा आश्रमलाई खाद्यान्न सहयोग गर्दै दिवस मनाएको हो ।

हरेक वर्ष झैं सो संस्थाले यस वर्ष पनि दिवसको अवसरमा विभिन्न कार्यक्रम आयोजना गरेको संस्थाका प्रवन्धक रविन्द्र रानाले बताउनुभयो । उहाँले दिवसको अवसरमा सोमबार विहान हरिवन बाजरमा प्रभातफेरी गरिएको, रक्तदान कार्यक्रम गरिएको, कैलाशपुरीस्थित मानव सेवा आश्रममा पुगेर खाद्यन्न (चामल, चिउरा, दाल, नून, तेल, आलु लगायतका)सामाग्री प्रदान गरिएको र दिवसकै अवसरमा संस्थाले आयोजना गरेको निबन्ध लेखन प्रतियोगिताका विजेता तथा सहभागिहरुलाई पुरस्कार वितरण गरिएको बताउनुभयो ।

दिसवकै अवसर पारी संस्थाले चैत्र १८ गते संस्थाका जेष्ठ सदस्यहरुलाई जनकपुरधाम र धनुषाधामको तिर्थाटन भ्रमण गराएको थियो । ६० बर्ष नाघेका सदस्यहरुलाई १ दिने तिर्थाटन गराउन संस्थाका कोषाध्यक्षको बिनोद कार्कीको संयोजनमा ३ जना कर्मचारीसहित ५४ जनाले तिर्थाटन भ्रणण गरेका थिए ।
त्यसै आईतबार हिजो गते बागमती न.पा ११ मा स्वास्था चेकजाँच कार्यक्रम र मा.वि.स्तरिय निवन्ध लेखन प्रतियोगितामा आयोजना गरिएको थियो । जसमा जिल्ला भरिका १० वटा विद्यालयका १३ जना विद्यार्थीहरुको सहभागिता रहेको थियो ।

प्रतियोगितामा लालिगुराँस एकेडेमी ईश्वरपुर ६ का छात्रा गरिमा सेढाँई सर्वोत्कृष्ट, नारायण मा.वि ईश्वरपुर ६ र सनराईज आवासीय मा.वि हरिवन ११ को विद्यार्थीहरु क्रमश लक्ष्मी शर्मा र शुभेच्छा दत्त उत्कृष्ट प्रथम र महादेव जनता मा.वि हरिवन ८, चतुरभुजेश्वर मा.वि हरिवन १०, जनता मा.वि. बागमती ५ का विद्यार्थीहरु क्रमश पुजा कुशवाह, हिमान्सु मैनाली र धर्मेन्द्र महरा उत्कृष्ट भएका थिए । उनीहरुलाई दिवसको अवसरमा आज पुरस्कार वितरण गरिएको हो ।


कार्यक्षेत्रका हिसावले मधेश प्रदेशमै सबैभन्दा बढी शेयर सदस्य रहेको सगुनले हरेक वर्ष सहकारी दिवसका अवसरमा विभिन्न कार्यक्रमहरुको आयोजना गर्दै आएको संस्थाका अध्यक्ष केशव ढकालले बताउनुभयो । दिवसको अवसरमा आयोजित कार्यक्रममा हरिवन नगरपालिकाका मेयर कमल बुढाथोकी, उपमेयर हरिमाया घलान, पूर्व प्रदेशसभा सदस्य डिल्लीप्रसाद उप्रेती, वडाअध्यक्षहरु केशव थापा, दिपमान लोप्चन, कोकिलानन्द उप्रेती, नेपाल रेडक्रस सोसाईटी हरिवनका अध्यक्ष भरत कुमार कार्की, सहकारी प्रतिनिधिहरु उत्तरकुमार मैनाली, सुकदेव कार्की लगायतको उपस्थिति रहेको थियो ।
दिवसकै अवसरमा आगामी बैशाखमा तीन दिने अवलोकन भ्रमणको कार्यक्रम गरिने कार्यक्रम रहेको संस्थाका प्रवन्धक रविन्द्र रानाले बताउनुभयो ।

Related Articles

Leave a Reply

Your email address will not be published. Required fields are marked *

Back to top button

Adblock Detected

Please off your AdBlocker.