बरहथवा नगरपालिकामा कला, साहित्य तथा संगीत प्रतिष्ठान गठन
भक्ती रिजाल
सर्लाही ।सर्लाहीको बरहथवा नगरपालिका भित्र छरिएर रहेका कला साहित्य र संगीत प्रेमीहरुको साझा संगठनका रुपमा नगर स्तरीय साहित्य, कला तथा संगीत प्रतिष्ठान गठन भएको छ ।
भरत पुलामी अध्यक्ष रहेको नौ सदस्यीय प्रतिष्ठान गठन भएको हो । प्रतिष्ठानको उपाध्यक्षमा शंभु गुप्ता तथा सुरेन्द्र लामा, कोषाध्यक्ष राजकुमार श्रेष्ठ, सचिब एलन श्रेष्ठ रहेका छन् भने सदस्यहरुमा सुबैना सिंह, मन्जुर आलम, दिपक महतो तथा अनिल कर्ण रहेका छन् ।
त्यसैगरी प्रतिष्ठानको सल्लाहकार समिती पनि गठन गरिएको छ । समितिमा चेत बहादुर ठकुरी, चित्र बहादुर पुलामी, बलराम एस्माली, ढोलराम बारकोटी, मिस्टर अफ्ताब आलम, आशिक हुसेन, दिपक अमात्य, तेजनारायणा आले, भक्ती रिजाल राजेश गुप्ता लगायत सदस्य रहेका छन् ।
बरहथवा नगरपालिकाकी प्रमुख कल्पना कुमारी कटुवालको प्रमुख आतिथ्यतामा भएको कार्यक्रममा नव गठित प्रतिष्ठानका कलाकारहरुले गीत संगीत पनि प्रस्तुत गरेका थिए ।
