नेपाल रेडक्रस सोसाइटी चन्द्रनगर उपशाखाका निर्वाचित पदाधिकारीले गरे पदभार ग्रहण
सर्लाही । नेपाल रेडक्रस सोसाइटी चन्द्रनगर उपशाखाको कार्य समितिको पदाधिकारीले पदभार ग्रहण गरेको छ ।
पुस २८ गते सम्पन्न निर्वाचनमा निर्वाचित नेपाल रेडक्रस सोसाइटी चन्द्रनगर उपशाखाको सभापति सरोज सिंह लगायत विभिन्न पदाधिकारीलाई पदभार ग्रहण गराइएको छ ।
चन्द्रनगर गाउँपालिका अध्यक्ष राजकुमार महतो तथा नेपाल रेडक्रस सोसाइटी सर्लाही शाखाका सभापति नागेन्द्र प्रसाद चौधरीको प्रमुख आथिथ्यतामा शुक्रवार निर्वाचित पदाधिकारीले सपत खाई पदभार ग्रहण गरको छ।
सचिव विक्रम प्रसाद सिंह, उप सचिव दीपेन्द्र कुमार राय, महिला उपसभापती कुन्ती देवी,कोषाध्यक्ष विमल देवी महतो, उप कोषाध्यक्ष मनसिप महतो, महिला सदस्य लालपरी देवी पण्डित, खुल्ला सदस्य शिवनाथ कापर, दरोगा पासवान, मकसुद आलम र नथुनी साहले पदभार ग्रहण गर्नुभएको छ।
कार्यक्रममा उपाध्यक्ष गिता देवी महतो, लोसपाका नेता महेन्द्र महतो, नेपाली कांग्रेसका नेता सत्यदेवे सिंह, शर्मिला थापा, समाजसेवी चेत नारायण महतो, महावीर महतो, नेपाली कांग्रेसका नेता सोनेलाल साह लगायतका व्यक्तिहरुको उपस्थिति रहेको थोयो ।
