सर्लाहीको हरिपुर ५ मजुर्वामा जारी तेश्रो कोद्राह गोल्डकप प्रतियोगितामा रतनपुरी युनाईटेड बारा बिजयी भएको छ। आज छैठो दिनको प्रतियोगितामा १ का बिरुद्ध २ गोलले सन सागरनाथ युवा क्लवलाई हराउँदै रतनपुरी युनाईटेड विजयी भएको छ ।
आज भएको खेलमा भने म्यान अफ द म्याच रतनपुरी युनाईटेड बाराका खेलाडी आनन्द गुरो बनेको छ। म्यान अफ द म्याच बनेका आनन्दलाई नेकपा माओवादी केन्द्रका केन्द्रीय सल्लाहकार समिति सदस्य रामचन्द्र कुशवाहाले प्रदान गर्नुभयो ।
प्रतियोगितामा आयोजकसहित विभिन्न १२ ओटा टीमको सहभागिता रहेको छ ।
‘‘स्वास्थ्यका लागि खेलकुद , राष्ट्रका लागि खेलकुद ’’ भन्ने मूल नाराका साथ आयोजना गरिएको प्रतियोगिताको विजेता टिमले नगद ७० हजार १०५ रुपैयाँ सहित शिल्ड, मेलड र प्रमाणपत्र हात पार्नेछन भने द्वितिय हुने टिमले नगद ४० हजार ५५ रुपैयाँसहित शिल्ड, मेडल र प्रमाणपत्र प्राप्त गर्ने आयोजकका अध्यक्ष रभु हुसेन मोमिनले जानकारी दिए । प्रतियोगिताको फाईनल खेल भने माघ २३ गते हुने आयोजकले जनाएको छ ।
