मधेश प्रदेशमा साक्षरता अभियान चलाइने मुख्यमन्त्री सिंहको दाबी
सर्लाही,२० माघ । मधेश प्रदेशका मुख्यमन्त्री सतिश सिंहले मधेश प्रदेशमा साक्षरता अभियान चलाइने बताउनुभयो । सर्लाहीको ईश्वरपुर नगरपालिका स्थित सरस्वती माध्यमिक विद्यालय भक्तिपुरमा आयोजित ६०औं वार्षिकोत्सव ‘हीरक महोत्सव बोल्नु हुदै मुख्यमन्त्री सिंहले मुस्लिम, आदीवासी जनजाती तथा जेहेन्दार विद्यार्थीलाई छात्रवृती प्रदान गरिने, मधेश प्रदेश सरकारले साक्षरता अभियान चलनउने बताउनुभएको छ ।
यसपालीको बजेटमा प्रत्येक निर्वाचन क्षेत्रमा आधुनिक विद्यालय निर्माण गरिने,आइटी शिक्षालाई पनि मधेश सरकारले प्राथमिकतामा राखेको उहाले बताउनुभयो । मुख्यमन्त्रीले आउने दिनहरुमा प्रत्येक विद्यालयमा संगित विषयलाई जोड पनि दिने बताउनुभयो । उहाँले संगित विषयको अध्यापन हुने भएपछि विद्यार्थीहरु कुलतमा नलाग्ने तथा विद्यार्थीको कला विकास हुनुको साथै मनोरञ्जन समेत हुने बताउनुभयो ।
त्यस्तै उहाले पत्रकारको लागि मास कम्युनिकेशन शिक्षणको लागि बजेट छुटयाएको बताउनुभयो ।
उहाले फरक प्रसँगमा बोल्नु हुदैँ यो देश कृषि प्रधान देश हो अझ मधेश उरबर भुमी भएको हुदाँ १ सय ३६ पालिकामा कृषि विद्युतीकरण र सिचाइ गर्ने बोर्डीङ्गको व्यवस्थापन गरिने बताउनुभयो । प्रत्येक निर्वाचन क्षेत्रमा ५ किलोमिटर सडक कालो पत्रे गरिने तथा एउटा पुल निर्माण गरने मुख्यमन्त्री सिंहले बताउनुभयो ।
श्री नारायण माविका संगित प्रशिक्षक सुशिल गजमेरले मुख्यमन्त्रीको स्वागतमा राष्ट्रिय गान गाएपछि उहाले सम्मान समेत गरिएको थियो ।‘हीरक महोत्सवमा नृत्य प्रतियोगितामा ८ वटा सामुदायिक तथा संस्थागत विद्यालयले भाग लिएका थिए । जसमध्ये नारायण माध्यमिक विद्यालय ईश्वरपुर ६ प्रथम भएको छ भने, श्रीनगरको माध्यमिक विद्यालय दाश्रो भएको आयोजकले जनाएको छ ।
कार्यक्रममा प्रतिनिधि सभा सदस्य रामप्रकाश चौधरी, पुर्व प्रतिनिधि सभा सदस्य प्रमोद साह, ईश्वरपुर नगर प्रमुख मनोज कुमार आचार्य लागायतका व्यक्तिहरुले मनत्वय राख्नु भएको थियो ।
