सर्लाहीको ईश्वरपुर नगरपालिकामा रहेको चमेली बचत तथा ऋण सहकारी संस्थाले आफ्नो सेयर सदस्यहरुलाई व्यवसायीक बाख्रा पालन सम्बन्धी दुई दिने तालिम प्रदान गरेको छ। तालिममा स्थानीय कृषक र पशुपालकहरुलाई बाख्रा पालनका नयाँ प्रविधि र यसको व्यवसायिक पक्षका बारेमा जानकारी दिइएको थियो।
हिजो बाट सुरु भएको तालिमको आज समापन भएको वरिष्ठ अधिकृत कमलेश साहले जानकारी दिनुभयो ।
तालिमका क्रममा बाख्रा पालनका विभिन्न पक्ष, जस्तै- आहार, स्वास्थ्य र प्रजनन व्यवस्थापन, बजारमा बिक्रीका लागि रणनीतिहरू र लाभ बढाउने उपायहरूबारे प्राविधिक जानकारी प्रदान गरिएको थियो।
तालिमले पशुपालकहरुलाई व्यवसायिक रूपमा बाख्रा पालनमा लगानी गर्न र त्यसबाट लाभ कमाउन प्रोत्साहन दिने अपेक्षा गरिएको छ।
संस्थाका उपाध्यक्ष प्रमिला देवी थरुणी, संस्थापक सल्लाहकार कुन्ती देवी साह द्वारा तालिममा सहभागी २० जना लाई प्रमाणपत्र वितरण गरिएको थियो
