प्रतिबन्धित २५ के.जि. लागुऔषध गाँजा सहित लालबन्दी बाट एक जना पक्राउ
सर्लाही,१३ भदौ । सर्लाहीको लालबन्दीमा प्रतिबन्धित लागुऔषध गाँजा सहित एक जना पक्राउ परेको छ । गए राती लालबन्दी नगरपालिका –८ खतिवडा चोक नजिकै लागुऔषध ओसार पोसार भएको भन्ने गोप्पे सुचनाको आधारमा ईलाका प्रहरी कार्यालय.लालबन्दीबाट प्रहरी निरीक्षक वीरेन्द्र सिंह जोहारीको कमाण्डमा –७ जनाको प्रहरी टोली खटि गई चेकजाँच गर्ने क्रममा प्रतिबन्धित २५ के.जि. लागुऔषध गाँजा सहित लालबन्दी बाट एक जना पक्राउ परेको छ ।
पक्राउ पर्नेमा लालबन्दी नगरपालिका वडा नं. १४ कामिटार बस्ने हिरा ब्लोनको छोरा २० वर्षिय को सन्ते ब्लोन रहेको छ । प्रहरीले पत्थरकोटबाट लालबन्दी तर्फ दुई वटा झोला बिचमा राखी दुई जना सवार गरी आउदै गरेको बाग्मती प्रदेश –०२–०४२ प ४०५३ नम्वरको मोटरसाइकललाई शंका लागी रोक्न खोज्दा मोटरसाइकलमा सवार दुई जना झोला फाली भागेको थियो ।
सोही क्रममा प्रहरी टोली पछ्याउदै जाँदा दुई जना मध्य एक जना ब्लोन लाई प्रहरीले नियन्त्रणमा लिन सफल भचएको जिल्ला प्रहरी कार्यालय सर्लाहीले जनाएको छ । फरार रहेका अर्का व्यक्तिको पनि खोजी कार्य भईरहेको जिल्ला प्रहरी कार्यालयका प्रहरी प्रवक्ता सरोज राईले जानकारी दिनुभयो ।
प्रहरीले २५ के.जि. बराबरको. गाँजा, मानिस र मोटरसाइकल नियन्त्रणमा लिई सर्लाही जिल्ला अदालतवाट लागू औषध मुद्दामा ५ दिन म्याद थप गराइ अनुसन्धान गरिरहेको प्रवक्ता राइले जानकारी दिनुभयो ।
