१५ भाद्र २०८२, आईतवार | Email:- info@nigranitoday.com | marketing@nigranitoday.com
सम्सी गा.पा.को विपद् व्यवस्थापन योजना तर्जुमा – Nigrani Today
ताजा खबर

सम्सी गा.पा.को विपद् व्यवस्थापन योजना तर्जुमा

सम्सी गाउँपालिकाको स्थानीय विपद् तथा जलवायु उत्थानशील योजना तर्जुमा गरिएको छ । वल्र्ड भिजन इन्टरनेसनल नेपालको सहयोग एवं एकीकृत ग्रामिण विकास समाज, महोत्तरीको सहजीकरणमा तर्जुमा गरिएको सम्सी गाउँपालिकाको उक्त योजना सम्बन्धी छलफल एवं हस्तान्तरण कार्यक्रम आज भाद्र १५ गते एक कार्यक्रमको आयोजना गरी सम्पन्न गरिएको छ ।

उक्त अवसरमा बोल्नु हुँदै सम्सी गाउँपालिका अध्यक्ष रामनाथ यादवले गाउँपालिकाको विपद् जोखिम न्युनिकरणका लागि योजना सहयोगी बन्ने विश्वास ब्यक्त गर्नुभयो । “बढ्दो जलवायु परिवर्तनलाई समेत दृष्टिगत गरी तयार गरिएको योजनाले गाउँपालिकाको विकासमा थप मद्दत गर्नेछ ।” अध्यक्ष यादवले भन्नुभयो “अहिलेको समयमा विकास निर्माणदेखि लिएर सबै प्रकारका कामहरु जलवायुमैत्री तवरबाट गरिनु आवश्यक छ, जसले दिगो विकासमा सहयोग पुग्छ ।”

सोही अवसरमा योजनाको सारसंक्षेप प्रस्तुत गर्नुहुँदै विज्ञ सहजकर्ता निर्मल चोङबाङले गाउँपालिकाको सबै वडामा संकटासन्न तथा क्षमता विश्लेषण गरी सहभागितामूलक ढंगबाट योजना तर्जुमा गरिएको बताउनुभयो ।

उक्त कार्यक्रममा गाउँपालिका उपाध्यक्ष अनिता कुमारी, प्रमुख प्रशासकीय अधिकृत मनोज कुमार साह, वडाध्यक्षहरु, कार्यपालिका सदस्यहरु, विषयगत शाखाका प्रमुखहरु लगायतको सहभागिता रहेको थियो । सो कार्यक्रममा सहभागीहरुले योजनामा नसमेटिएका थप विषयहरु माथि सुझाव समेत दिनुभएको थियो ।

संस्थाका कोषाध्यक्ष उमेश न्यौपानेका अनुसार उक्त छलफल पश्चात आएका सुझावहरु समेटेर योजनालाई अन्तिम रुप दिई सम्सी गाउँपालिकालाई हस्तान्तरण गरिने छ ।

Related Articles

Leave a Reply

Your email address will not be published. Required fields are marked *

Back to top button