चन्द्रनगरमा बाल विवाह, बालश्रम न्युनीकरण गर्न जनचेतना मुलक कार्यक्रम गरियो
सर्लाही,२९ पुष । सर्लाहीको चन्द्रनगर गाउँपालिकामा बाल विवाह तथाबालश्रम न्युनीकरण सम्बन्धि घरदैलो कार्यक्रम गरिएको छ । शुक्रवार वडा स्तरीय बाल अधिकार समितिको नेतृत्वमा बाल विवाह तथा बालश्रम न्युनीकरण सम्बन्धि जनचेतना मुलक कार्यक्रम गरिएको हो ।
बाल अधिकार समिति चन्द्रनगर वडा नं.२ को आयोजना र अस्ट्रेलियन एड, ह्यान्डीक्याप इन्टरनेशनल, राष्ट्रिय रोजगार प्रवद्र्धन केन्द्र, विश्व शिक्षा, तथा वल्र्ड भिजनको साझेदारीमा संचालित सिकाइ परियोजना अन्तर्गत चन्द्रनगर गाउँपालिका वडा नं. २ बबरगंजमा जनचेतनामा मुलक घरदैलो कार्यक्रम गरिएको छ ।
यसैगरी अपांगता भएका बालबालिकालाई शिक्षामा पहुँच तथा सेवा सम्बन्धि अन्तरक्रिया कार्यक्रम समेत गरिएको थियो । कार्यक्रममा वडा अध्यक्ष सम्भु साह, वडा सदस्य राम राय, नेपाल प्रहरीका प्रतिनिधि लगायत अन्य विभिन्न व्यक्तिहरुको उपस्थिति रहेको आयोजकले जनाएको छ ।
