सर्लाही । सर्लाहीको चन्द्रनगर गाउँपालिका वडा नं ३ बडकुर्वामा पहिलो बालमैत्री पुस्तकालय स्थापना गरिएको छ । १७ औं पुस्तकालय दिवसको अवसरमा रामजानकी आधारभुत विधालयको पुस्तकालयको निरीक्षण मधेस प्रदेशका श्रम तथा यातायात मन्त्री कौशल रायले गर्नुभयो ।
यसैगरी रामजानकी आधारभुत विधालयको प्रांगणमा विभिन्न कार्यक्रम गरि१७ औं बालमैत्री पुस्तकालय दिवस पनि मनाइएको छ ।
१७ औं बालमैत्री पुस्तकालय दिवसको अवसरमा शिक्षक १० जना शिक्षकलाई सम्मान तथा पुस्तकालयमा उत्कृष्ट गर्ने ८ जना विधार्थीलाई पुरस्कार वितरण गरिएको थियो ।
श्रम तथा यातायात मन्त्री रायले आधारभुत विधालयहरु मध्ये यश विधालयमा मधेश प्रदेशमै यस्तो पुस्तकालय स्थापना गर्नु उदाहरणीय कार्य भएको बताउनुभयो । उहाले यो पुस्तकालय सर्लाहीमा नै पहिलो पटक स्थापना गरिएको बताउनुभयो ।
कार्यक्रममा चन्द्रनगर गाउँपालिकाका प्रमुख प्रशासकीय अधिकृत मदन बहादुर थिंग, वडा नं ३ का वडा अध्यक्ष सिताराम महतो, नेपाली कांग्रेसका नेता श्याम सिंह, तेजनारायण चौधरी, विभिन्न विधालयका प्रधानाध्यापक लगायत विभिन्न व्यक्तिहरुको उपस्थिति रहेको थियो ।
