२ असार २०८१, शनिबार | Email:- info@nigranitoday.com | marketing@nigranitoday.com
मेयर पदमा पराजित भए पनि रौतहट ३(क) मा प्रभु साह प्यानलको चौधरीको सफलता – Nigrani Today
ताजा खबरमधेश प्रदेशराजनीतिसमाचारस्थानीय

मेयर पदमा पराजित भए पनि रौतहट ३(क) मा प्रभु साह प्यानलको चौधरीको सफलता

गौर। रौतहट क्षेत्र नम्बर ३(क) बाट स्वतन्त्र उम्मेदवार केशव राय चौधरी प्रदेश सभा सदस्यमा निर्वाचित भएका छन् ।

प्रभु साहको प्यानलबाट स्वतन्त्र उम्मेदवारी दिएका चौधरीले एमाले(जसपा गठबन्धनको तर्फबाट जसपाकी उम्मेदवार पुजा चौधरीलाई २ हजार १२३ मतले पराजित गरेका हुन् । यस क्षेत्रको अन्तिम मतपरिणाम अनुसार स्वतन्त्र उम्मेदवार चौधरीले १२ हजार २५५ मत प्राप्त गर्दा निकटतम प्रतिस्पर्धी जसपाकी पुजा चौधरीले १० हजार १३२ मत हासिल गरेकि छिन् । मधेश प्रदेशको वन राज्यमन्त्री समेत रहेका नेकपा एकीकृत समाजवादीका उम्मेदवार ७ हजार ६२२ मतका साथ तेस्रो भएका छन् ।

४४ वर्षीय चौधरी ईन्जिनियर हुन् । उनी गत वैशाखमा भएको स्थानीय तहको निर्वाचनमा गुजरा नगरपालिकाको मेयर पदमा ३४४ मतको झिनो अन्तरले पराजित भएका थिए । नेकपा एमालेले जसपासंग गठबन्धन गरेपछि तत्कालीन स्थायी कमिटी सदस्यले एमालेको टिकट छाडेर स्वतन्त्र सांसद उम्मेदवारी दिएपछि चौधरीले पनि साहलाई साथ दिदै स्वतन्त्र प्रदेशसभा सदस्य पदमा उम्मेदवारी दिएका थिए ।

Related Articles

Leave a Reply

Your email address will not be published. Required fields are marked *

Check Also
Close
Back to top button

Adblock Detected

Please off your AdBlocker.