सर्लाही,१० मंसिर । सर्लाहीको चन्द्रनगर गाउँपालिका वडा नं १ किसनपुरमा आगलागी हुदा अन्दाजी ३ लाख ११ हजार मूल्य बराबरको क्षति भएको छ । फोहर डढाउन बालिएको घुरबाट आगो सल्की आगलागी भएको थियो ।
शुक्रवार साझ वडा नं १ किसनपुर बस्ने आसमहमद अंसारी र चउठी ठाकुरको घरमा आगलागी हुदां उक्त मूल्य बराबरको क्षति भएको हो ।
अंसारीको टालिले छाएको घर, लत्ताकपडा, १ थान साईकल र दाउरा गरी १ लाख ६५ हजार बराबरको क्षति भएको छ भने ठाकुरको घर, लत्ताकपडा, घरमा राखेको दाउरा लगायतको सामग्री पुर्ण रुपमा जलेर नष्ट हुदा १ लाख ४६ हजार मुल्य बराबरको क्षति भएको प्रहरीले जनाएको छ ।
