नेपाल प्रेस युनियन सर्लाहीले मनायो ३३ औं स्थापना दिवस

सर्लाहीको हरिपुरमा नेपाल प्रेस युनियन सर्लाहीले आफ्नो ३३ औं स्थापना दिवस शुभकामना आदानप्रदान गरेर मनाएको छ ।कार्यक्रमका प्रमुख अतिथि हरिपुर नगरपालिकाका उप प्रमुख निलम देवी राय यादवले शुभकामना दिदै प्रेस युनियनलाई एक ढिक्का भएर अघि बढ्न आग्रह गरिन् ।
कार्यक्रममा जिल्ला अध्यक्ष कृष्णप्रसाद थपलीयाले लोकतान्त्रिक मूल्यमान्यता स्थापित गर्न प्रेस युनियनको महत्त्वपूर्ण भूमिका रहेको बताउदै, पत्रकारिता प्रतिको निष्ठा सदैव कायम राख्न आग्रह गरे ।
समाजवादी प्रेस संगठनका केन्द्रीय सदस्य बिध्यानन्द राय,नेपाल प्रेस युनियन,मधेस प्रदेश उपाध्यक्ष सोम दियाली, केन्द्रीय पार्षद ओमप्रकाश ठाकुरले स्थापना दिवसको शुभकामना दिएका थिए ।
त्यस्तै पत्रकार बखतीयार अलीले स्थापना दिवसको अवसरमा शुभकामना दिदै सर्लाहीका पत्रकारहरूले एक ढिका भएर तिनै तहमा आफ्नो स्थान सुरक्षित गर्नुपर्ने बताए ।
श्रमजीवी पत्रकारहरूको विश्वास र भरोसा अक्षुण्ण राख्न निरपेक्ष व्यावसायिकता भन्दा पनि उच्चतम आदर्शमा आधारित रहेर अघि बढ्न आजकै दिन नेपाल प्रेस युनियन स्थापना भएको नेपाल प्रेस युनियन सर्लाही जिल्ला सचिव रामबाबु खड्काले बताए ।
विसं २०४८ जेठ १३ गतेका दिन प्रजातान्त्रिक पत्रकारको भेलाले लोकतान्त्रिक र श्रमजिवी पत्रकारको पक्षमा सङ्गठित भइ अघि बढ्ने अठोटसहित नेपाल प्रेस युनियनको स्थापना गरिएको थियो ।